________________
सिरिसोमप्पहसूरि-विरइयं पंच य अणुव्वयाई गुणव्वयाइं७२ हवंति तिनेव । सिक्खावयाइं चउरो सावग-धम्मो दुवालसहा ।।३५५।। संकप्पपुव्वयं जं तसाण जीवाण निरवराहाण । दुविह-तिविहेण रक्खणमणुव्वयं बिंति तं पढमं ।।३५६।। जं गो-भू-कन्ना-कूडसक्खि-नासावहार-अलियरस । दविह-तिविहेण वज्जणमणुव्वयं बिंति तं बीयं ।।३५७।। जं चोरंकारकरस्स खत्त-खणणाइणा पर-धणस्स । दुविह-तिविहेण वज्जणमणुव्वयं बिंति तं तइयं ||३५८।। जं निय-निय-भंगेहिं दिव्वाणं माणुसाण तिरियाणं । परदाराणं विरमणमणुव्वयं बेंति तं तुरियं ।।३५१।। दुपय-चउप्पय-धण-धन्न-खेत्त-वत्थ-रुप्प-कणय-कुप्पाण । जं परिमाणं तं पुण अणुव्वयं पंचमं बेंति ||३६०।। दससु दिसासुं जं सयल-सत्त-संताण-ताण-कयमइणो । गमण-परिमाण-करणं गुणव्वयं बेंति तं पढमं ।।३६१|| उवभोगाणं विलयाईयाण भोगाणं भोयणाईणं । जं परिमाण-विहाणं गुणव्वयं बिंति तं बीयं ||३६२।। अवझाण-हिंसदाणाऽसुहो वएसऽप्पसायरूवे जं । विरमणमणत्थदंडे गुणव्वयं बिंति तं तईयं ।।३६३।। जं समणस्स व सावज्जजोग-वज्जणमरत्तदहरस । तं समभाव-सरूवं पढमं सिक्खावयं बिंति ।।३६४|| सव्व-वयाणं संखेव-विरयणं जं दिणे निसाए वा । देसावागसियं तं बीयं सिक्खावयं बिंति ||३६५।। वावारा-55हारा-ऽबंभ-देहसक्वार-चायख्वं जं । पव्वेसु पोसहं तं तइयं सिक्खावयं बिंति ।।३६६ ।। भोयण-वत्थाइहिं साहूणं संविभागकरणं जं । तं अतिहिसंविभागं तुरियं सिक्खावयं चिंति ||३६७।। एत्थ य गिहत्थ-धम्मे वए वए पंच पंच अईयारा | मोक्खत्थमुज्जएणं परिहरियव्वा पयत्तेणं ||३६८।।
Jain Education International
For Private & Personal Use Only
www.jainelibrary.org
