________________
सुमइनाह-चरियं
घण-विरहे जह न जलं जल-विरहे जह न जायए सरसं । तस्विरहे जह न पया धम्मेण विणा तहा न सुहं ||३४१।। मूलं महद्दमरस व पासायरस व दढं पइहाणं । धम्मस्स तस्स मूलं सम्मत्तं कित्तियं समए ||३४२।। अहरीकय-कप्पडुम-चिंतामणि-कामधेणु-माहप्पं । देव-गुरु-तत्त-सद्दहण-लक्खणं बिंति सम्मत्तं ।।३४३।। जिय-राग-दोस-मोहो मयण-महामल्ल-"पेल्लण-समत्थो । सव्व-"जगज्जीव-हिओ अरहं देवो न उण अलो ||३४४|| जे चत्त-सव्व-संगा पंच-महव्वय-भरुव्वहण-धीरा । गय-"रोसमणा समणा ते च्चिय गुरुणो न उण सेसा ||३४५।। पुव्वावराविरुद्धं पमाण-सुपइद्वियं जिणुद्दिडं । जीवाजीवाईयं तत्तं न उणो कुतित्थिमयं ॥३४६।। अहवा निव्वाण-सुहाण साहणं किं पिजं अणहाणं । सुद्धं दाणाईयं तं तत्तं बिंति जगगुरुणो ||३४७।। जं दुक्खियं सयं चिय न होइ दुक्खं परस्स न करेइ । तं दाणमेत्थ सुद्धं न उणो गो-लोहमाईयं ॥३४८।। सव्व-जग-पयडमेयं जं जीव-वहेण होइ अहम-गई । सो वि सुगइ-कामेणं कह कीरइ ? ही महा-मोहो ॥३४१।। धम्मच्छलेण पावस्स कारणं जीव-घाय-संजणगं । नइ-जल-पहाणाई जं मोहस्स वियंभियं तं पि ||३५०।। "धम्मो य दुहा भणिओ जिणेहिं जर-जम्म-मरण-मुक्केहिं । पढमो जईण धम्मो गिहत्थ-धम्मो भवे बीओ ||३५१।। खंताइ-दसपयारो जइ-धम्मो वनिओ जिणिंदेहिं । साहसधणाण सुकरो सुदुक्करो कायराणमिमो ||३५२|| एसो महल्ल-कल्लाण-वल्लि-पल्लवण-अमयरस-सेओ । सग्गापवग्ग-पुर-पह-पत्थिय-जण-सत्थ-सत्थाहो ||३५३|| भीम-भवनव-निवडत-जंतु-संताण-तारण-तरंडो । कम्मदुम-खंड-खंडण-पयंड-धारुक्कड-कुहाडो ||३५४।।
Jain Education International
For Private & Personal Use Only
www.jainelibrary.org
