________________
६४
सिरिसोमप्पहसूरि-विरइयं "दिव्वस्स दुव्विलसिएण सठाण-भंसं.
पत्ता वि हुंति सुहिणो गुणिणो गुणेहिं । चंदो समुद्द-विरहे वि हरस्स सीसे,
कण्हरस कोत्थुह-मणी वसई उरम्मि ||३३७।। एत्यंतरे पढियं काल-निवेयगेणगंतूण ठाणंतरमंसुमाली,
देवो व्व काऊण परोवयारं । पुणो वि संपत्त-"पभूयतेओ
समागओ रेहइ लोय-मज्झे ।।३३८।। मज्झन्न-संझासमओ त्ति समुहिओ राया, सुदंसणादेवी वि पवेसिया गरूय-विच्छड्डेण अंतेउरं । रन्नो पुन्न-पगरिस-गुणुवित्तणं कुणमाणा जहागयं पडि गया सामंताइणो । राया वि मणिचूडेण समं कयतक्कालोचिय-कायव्वो, संभालिय-करि-तुरगाइ-रज्जंगो स-समयसमणुयत्तिय-पेच्छणगाइ-किच्चो पसुत्तो रयणीए । कमेण जाए पहायसमए समुग्गए गयण-लच्छि-मणिकुंडले तरणि-मंडले, महिवह-निविहमत्थएण पणमिऊण विनत्तं उज्जाणपालेण-देव ! कुसुमसुंदरुज्जाणम्मि समोसढो कुमय-कमल-मउलणिक्क-चंदो निवारण-करुणा-वल्लिकंदो, कंदप्प-दावानल-पलित्त-भुवणवण-निव्ववण-कं दो, अमयनीसंदो, जणिय-जण-मणाणंदो, विमलोहिनाण-नाय-सयल-वत्थुपरिप्फंदो, जीवाणंदो नाम सूरि । तओ राया पारितोसियं तस्स दाऊण पमोयभरापूरिज्जमाण-माणसो, मणिचूडेण सुदंसणादेवीए य समं समत्तसामंत-मंति-परिंगओ गय-कंधराधिरूढो पत्तो कुसुमसुंदरुज्जाणं । दिहो तत्थ तियस-कय-कणय-कमल-निलीणो मुत्तिमंतो व्व समणधम्मो धम्म वागरमाणो मुणीसरो । तिपयाहिणा-पयाणपुव्वं पणमिऊण भयवंतं सेस-साहुणो य निविहो महिवढे ।
तो वागरियं गुरुणा राहावेहोवमाए दुल्लंभं । लद्धण कहं पि हु माणुसत्त-खेत्ताइ-सामग्गिं ||३३१|| पुरिसेणं बुद्धिमया धम्मम्मि समुज्जमो विहेयव्वो । नर-सुर-सिव-सोक्खाणं धम्मो च्चिय कारणं जेण ||३४०।।
Jain Education International
For Private & Personal Use Only
www.jainelibrary.org
