________________
सुमइनाह-चरियं
सीह-नरिदेण तओ भणियं उवयार-कारएण तए । जणगेण व कह सद्धिं जुद्धं काउं महं जुत्तं ? ||३१४।। दीसंति जए पुरिसा उवयारपरं जणं उवयरंता । उवयरइ तुमं व कए वि अवगुणे को वि सप्पुरिसो ||३१०।।
अवि य महासत्त । परमोवयारी तुमं, जेण तुमए मुक्त-मज्जाओ वज्जिय-लोयलज्जो, अणवे क्खिय-खत्तधम्मो, अकज्ज-करणुज्जयमाणसोऽहमेवमणुसासिओ, एवं कुणंतेण रक्खिओ हं निरयंध-कूवनिवडणाओ, निवारिओ सरय-रयणीयर-किरण-कलाव-निम्मलं नियकुलं कलुसयंतो कलंक-पंकेण, ठाविओ उभयलोय-सुहावहे संतमग्गम्मि । किं बहणा ? तिहयणे वि तं नत्थि वत्थु जंतुह परमोवयारिणो दाऊण, मन्नामि कयत्थं अप्पाणं । तो विरम इमाओ रणज्ावसायाओ | पसायं काउण गेण्हसु अणेग-करि-करह-रह-तुरंग-रंगत-सोहं, कोसकोहागार-गरुय-रिद्धि-समुडुरं रज्जमेयं । विजयसेणेण वुत्तं— भद्द ! पालेसु निय-कुलक्कमागयं रज्जं | उत्तम-पुरिसो तुमं । किमित्तिएण' वि संतावमुव्वहसि ? | गाढप्पहार-विहुरिय-सरीरस्स रणंगणावणि-निवडणं सुहडस्स भूसणं, न उण दसणं । सीहेण भणियं– नाहं उत्तमो, किंतु अहमो जो एवंविह-वसण-समागमेण अकज्जायरणाओ नियत्तो म्हि ।। जओ
सयमेव नियत्तंती उत्तम-पुरिसा अकज्ज-करणाओ । मज्झा परोवएसेण वसण-लाभेण पुण अहमा ||३१६।। एत्तिय-कालं कालुस्स-दूसिय-मइणो मयण-वसवत्तिणो तिणतुल्लावगणिय-गुणिजणोवएसस्स विसएसु चेव मे परमत्थ-बुद्धी आसि । संपयं पुण नियत्ता विस-विसम-विसय-वासंग-वासणा, विरत्तं भीमभवचारयाओ चित्तं, अवगयं जहावहिय-रमणि-सरीर-सरूव-निरूवणनिवारगं काम-झामलं ।
सरिसव-मेत्त-सुहकए कणयगिरीओ वि गुरुयरो अजसो । हा हा ! मए विढत्तो अकज्जमिणमायरंतेण ||३१७।। ता परलोय-सुहावहमुत्तमपुरिसाणुचिन्न-मग्गमहं । सेविस्सामि किमिमिणा अवजस-कलुसेण जीएण ? ||३१८||
Jain Education International
For Private & Personal Use Only
www.jainelibrary.org
