Page Text
________________
सिरिसोमप्पहसूरि - विरइयं विजयसेण-राओ भत्ता भविज्ज' । त्ति भणंतीए मुक्को अप्पा । तओ मणिचूडेण भणियं - " एवं "विवज्जमाणा इमा वराई न उवेक्खिउं जुज्जइ त्ति । तओ रन्ना विज्जुक्खित्त करणेण उप्पइऊण वामभुयाए तं धरतेण हियय-देसे दाहिण कर - कलिय-करवालेण छिन्नो पासओ, तं उच्छंगे धरती निसन्नी सिलायले राया, संवाहियाइं तीए अंगाई रन्ना, परामुहं सेय - जल - बिंदु - दंतुरं भालवहं, वीइया कयलीदलेण, सत्थीहुया एसा भणिया य- 'सुयणु ! कहेहि को ते संतावमुप्पाएइ ? जेण तं निग्गहेमि ।' अह सुदंसणा अतक्यिमुवागयं तं पलोइऊण संभमब्भंतलोयणा चिंतिउं पवत्ता- को एस महप्पा सिणेह सब्भाव-गब्भमुल्लवइ ? कीस वा एयरस वयण-पंकय-हुत्तं पुणरुत्तं वलइ मे दिडी ?, केण वा निमित्तेण एयस्स संलाव-सवणमेत्तेण वि विहसियं मे हिययं ? किं वा इमस्स पाणि-पल्लव-फरिसमुवलब्भ पीऊस-रस-सित्ताइं पिव पमोय - पगरिसं पत्ताइं मह गत्ताइं ?, किमेस सो चेव मह हियय- वल्लहो अज्जउत्तो ? एवं चिंता - पवन्न- माणसा भणिया रन्ना- 'देवि ! कीस संसयाउल - मणा चिट्ठसि ? एसो सो हं तुह मण-कमल- वियासणेक्कदिवसेणो विजयसेणो राया तुह पुन्न- पगरिसागरसिओ समागओत्ति । तओ तव्वयणेण निय-हियय-संवाएण य विणिच्छिय-तयागमणा रायसुया 'पढमं दंसणं' ति ससज्झसा, 'सक्खा लक्खियं सव्वमणेणं' ति ३५ सविलिया, 'अतक्कियागमणो' त्ति सविम्हया, 'विरह - जलण-जालापलित्त - गत्ताए चिराउ दिट्ठो' त्ति सऊक्कंठा, 'परम- निव्वुइं पत्त' त्ति साणंदा, 'किमेयस्स एवंविह-विसम-दसंगया करेमि उचियं ?' ति सचिंता, 'सुकय-मित्त सहाओ' त्ति सासंका — एवं अणेग-रस- संकि अणाइक्खणिज्जं अणणुभूयपुव्वं रसंतरमणुहवंती तक्कालुप्पन्न - पमोयलज्जा - संरंभ - रुब्भंत - कंठक्खलंत - वयणा जंपिउं पवत्ता— 'सागयं अज्जउत्तस्स । हियएण नेह-भर- निब्भरेण गूढो सि "एत्तियं कालं, संपइ पसत्थ-"सुकय- उदएण नयणेहिं सच्चविओ विमल-गुण- रयणनिहिणो, करेमि संपइ किमज्जउत्तस्स एवंविह-विसम-दसं संपत्ता उचियकरणिज्जं' ? रन्ना भणियं- 'देवि ! मा किं पि खेयमुव्वहसु' ।
५६
सव्वं कयं जमेवं सब्भाव- समप्पणं किमन्त्रेण ? । जो देइ सिरं सुंदरि ! सो किं मग्गिज्जए नयणं ? ||२८||
Jain Education International
-
For Private & Personal Use Only
www.jainelibrary.org
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |