________________
सुमइनाह-चरियं सीहो नाम नरवई । तेणेगया गय-बंधणत्थं गएण दिहा भीमाडवीए एगा कन्नगा । आणिया एत्थ विवाहत्थमब्भत्थिया अणेगप्पगारेहिं । सा अणिच्छंती वि परिणेउमारद्धा तेण । अओ महसवारंभो' । तओ रन्ना विजयसेणेण साहिलासं पुट्ठो इमो- 'भद्द ! सा कत्थ चिहइ ?' पुरिसेण वुत्त-- 'भद्द ! भद्दसालाभिहाण-पमयवण-मंडणे पासाए राय-महिलाहिं परिणयणत्थं पण्णविज्जमाणा चिहइ' ।
तओ गओ राया मणिचूडेण समं पमयवणे । तत्थ बहल-दलावलीविलुत्त-दिणयर-करप्पसरं सरस-कयलीहरयं जाव पेच्छए ताव पच्चासन्नं करग्गहण-लग्गं ति महंतं चित्त-संतावमुव्वहंती मरणं सरणं ति मन्नमाणा विवाह-कज्ज-पज्जाउलत्तणेण परियणस्स किंचि अंतरं लहिऊण निग्गया पासायाओ सुदंसणा, पविठ्ठा पमयवणब्भंतरं । पत्ता असोग-पायवतलं । दिहा लयंतरिएण रन्ना विम्हयवसुप्फुल्ल-लोयणेण, भणियमणेणवणदेवया किमेसा परिसक्वइ निय-वणे स-इच्छाए ? किं नागकन्नगा काणणस्स दंसणकए पत्ता ? किं विज्जाहर-रामा समागया महियले गलिय-विज्जा ?, किं वा सकोव-वासव-सावब्भहा तियस-रमणी ? | एवं पयंपमाणो राया जाव चिह इ ताव तीए विमुक्क-दीह-नीसासं समुल्लवियं-- ‘हा ! मे मंदभग्गाए उदग्ग-सोहग्ग-भग्ग-सग्गीसरूव-मडप्फरो फार-समुज्जल-जस-पसर-भरिय-भुवणब्भंतरो न ताव दिहि-विसयं पि संपत्तो विजयसेण-महाराओ | तह वि तरस समप्पिओ मए अप्पा । संपयं पुण एस दुरप्पा सीहो मज्जायमुज्झिऊण मं परिणेउमब्भुज्जओ । नत्थि अवरो कोइ उवाओ जेण इमाओ रक्खसाओ व्व रक्खेमि अत्ताणयं । तओ मरणं मे अभग्गसीलाए सलाहणिज्जं । जओ
जीवंत च्चिय वुच्चंति सुद्धसीला मया वि जियलोए । जीवंता वि मय च्चिय जीवा सीलेण परिहीणा ||२८७।। सो च्चिय जयम्मि धन्नो तस्स च्चिय चंद-निम्मला कित्ती ।
अविभग्ग-निय-पइनेण जेण मरणं पि पडिवनं ।।२८८।। ता इमरस असोग-तरुणो साहाए उब्बंधेमि अप्पाणं ति ।
एत्थंतरे मणिचूडेण भणियं- 'नाह ! न एसा वणदेवयाइण मज्झे का वि, किंतु एसा तुहाणुराइणी रायकन्ना' । तओ सुदंसणाए कंठेण सह साहाए बद्धो पासओ । 'भो भो वणदेवयाओ ! मे असरणाए जम्मंतरे वि
For Private & Personal Use Only
Jain Education International
www.jainelibrary.org
