________________
सुमहनाह-चरियं
५३
ठिया रायधूया । तह वि गरुयाणुराय - निब्भरेण रन्ना सव्वहा मए एसा परिणेयव्व त्ति निच्छिऊण काराविया विवाह - सामग्गी । रायधूया वि पयट्टा पंचपरमेहि-मंतमणवरयमणुसुमरिउं" ।
अन्न- दिणे पडिहारी तीए पासे निवेण पडविया । ती वि हु पन्नविया सुदंसणा णेग जुत्तीहिं ॥ २६९॥ मुद्धे ! किं अवमन्नसि देवं देवं व सुंदरायारं ? पडिवज्जिऊण एयं भुवणस्स वि सामिणी होसु ॥२७०॥
जइ वि मयच्छि" ! न इच्छसि तह वि हढेणावि परिणिऊण तुमं । मण-वंछियं करिस्सइ सीहो सीहो व्व दुव्वारी || २७१|| जइ होइ हसंताणं रोयंताणं च सुयणु ! पाहुणओ । तत्तो वरं हसंताण किं न एयं सुयं तुमए ? || २७२ || तो जंपइ रायसुया मुणसि तुमं जुत्तिसंगयं वोत्तुं । किंतु अहं निय-पिउणा तारावीडेण नरवइणा ||२७३ || दाउ परिणयण- कए पडविया विजयसेण-रायरस | अणुरागेण मए विहु तस्सेव समप्पिओ अप्पा ||२७४ ||
होऊण तस्स घरिणी परिणेमि अहं कहं परं पुरिसं ? | रविणा विणा कमलिणी विहसइ कं २५ पिक्खिउं अन्नं ? || २७५।।
जं पुण हढेण मं परिणिऊण मणवंछियं इमो काही । तमजुत्तं जेणाहं तणं व पाणे परिहरिस्सं ॥ २७६ ||
तो पसरिही कलंकी इमरस लोए अहं पि न भविस्सं । ता भक्खि विकाए " न य सो अजरामरो होही || २७७।।
इय सोउं पडिहारी सुदंसणा वइयरं कहइ सव्वं । सीह - नरिंदर तहा कयंजली विन्नवइ एवं || २७८||
देव ! देवस्स निय-बुद्धि- पगरिस - विमरिसियासेस- जुत्ताजुत्तवियारस्स पुरओ किं सीसइ ?, सयं चेव मुणइ देवो, जं गुरुयणअदिन्नाए अणिच्छंतीए य कन्नाए करग्गहणं कीरइ न एस संत- मग्गो । परकलत्तं खु एसा जा निय-पिउणा पेसिया सयं च गरुयाणुरायपरवस- माणसा पयट्टा विजयसेणस्स रन्नो परिणयणत्थं । ता कहं
Jain Education International
For Private & Personal Use Only
www.jainelibrary.org
