________________
ફર
दुद्दतिंदिय- वग्ग-निग्गहपरं देहाणवेक्खं मए, झाणारूढ - मणेण दुक्करमणुद्वाणं समासेविउं । नूणं पुव्व-भवम्मि किंपि सुकयं संपुन्नमावज्जियं, "बाला जं सहस त्ति लोयण-सुहा वुद्धि व्व दिट्ठा इमा || २६८|| तओ १४ तिहुयण - सिरि-समद्धासियं व अप्पाणं मन्नमाणो घेत्तूण तं समागओ सनयरं । मुक्का य कयलि- कयंब - जंबु - जंबीरंब ". चुंबियंबरतलस्स कुसुमगंध - लुद्ध-मुद्ध - "फुल्लंधुयारावरुद्ध-दिसियक्कस्स भद्दसालाभिहाणस्स पमयवणस्स मज्झे देसालंकारभूए विमल - फलिहसिला- संघाय - घडिय - भित्तिभागे कणय-खंभ-निम्मविय-वियड - सालभंजियाभिरामे मरगय-मणि - विणिम्मिय-कुट्टिमे तुंग-सिहरग्गभग्ग-रवि-रह-तुरंग-मग्गे "पसंडिपासाए । तओ अणुलोमवित्तीए तं उवयरिउमादत्तो । तह विसा वाम करयल - पल्हत्थिय-वयण-कमला, दीहुन्न - नीसास - विसोसियाहरा, अणवरय- नयण-नीहरतं सुसलिला, दिणावसाण - समए समवयाहिं रायनिउत्त-महिलाहिं कह वि काराविया वियार-कारणाहार - परिहारेण किं पि भोयणं । संभासिया महुर- वयणेहिं रन्ना- 'देवि ! कहसु कस्स नरिंद- चूडामणिणो नहयलं व मयंकलेहाए "सयल - लोय - लोयणाणंद- संदोह - दाइणीए तुमए कुलमलंकियं निययजम्मेण ? केण वा निमित्तेण करि-कुरंग केसरि-सरह - सूयर-तरच्छSच्छभल्ल - संकुलाए अडवीए निवडिया सि ?' |
1
सिरिसोमप्पहसूरि- विरइयं
तओ 'अलं मह मंदभग्गाए जंपिएणं । समत्त सत्त-खंकप्पकप्परण-परायणं दइवं पुच्छसु' त्ति भणंती अव्वत्त-सद्दं रोविउमारद्धा रायया । रन्ना वागरियं देवि ! किं इमाए अणिड - चिंताए ? आगारमित्तेण वि विसाल-कुल-संभवा संभावीयसि तुमं । ता मए भिच्चभावमुवगए" मणसा वि न को वि तुह अणिद्वं काउं तीरइ । तओ कीस संतावमुव्वहसि ? किं न परिहरसि संखोहं ? विमुंचसु दीण - वयणं", पलोएसु मं अमंदाणंद-संदोह-मंदिरेहिं इंदीवर दल-दीहरेहिं नियलोयणेहिं, करेसु करग्गहणेणाणुग्गहमिमस्स मयणसर - सल्लिय-मणस्स जणस्स । तओ असुयपुव्वं सवण- - दुस्सहमेयमायनिऊण विजयसेणमहारायं मुत्तूण मह जलणी चेव सरणं ति कयनिच्छया विविह- चडु - कम्मपरायणं रायाणं तणं व अवगणंती अदिन्न पडिवयणा मोणमवलंबिऊण
-
Jain Education International
For Private & Personal Use Only
-
www.jainelibrary.org
