________________
सुमइनाह-चरियं कल्लाणभाइणी भविस्ससि त्ति । अहं पुण संपयं सुरसेल-सिहरपरिट्ठियाणं सासय-जिणपडिमाणं नमसणत्थं वच्चिस्सामि त्ति भणंतो सो उप्पइओ तमाल-दल-सामलं गयणयलं । रायसुया वि चारणमुणिविइन्न-धम्मोवएस-वसेण वसण-समुद्दाओ नित्थिन्नं व अप्पाणं मन्नमाणी पंचपरमेहि-मंत-संभरणेण पडि हयासेस-दुह-सावय-भया कंदमूलफल-जणिय-पाणवित्ती चलिया एग-दिसाए ।
अह तीए रायधूयाएपंचपरमेहि-मंतमच्चंतं । एगग्ग-मणाए भत्ति-निब्भरं संभरंतीए ||२६०।। कोववस-सज्जिय-कमो वि डिल-दाढा-कडप्प-दुप्पिच्छो । पंचाणणो न सक्तो समीव-देसं पि अक्वमिउं ||२६१।। मयगंध-लुद्ध-रोलंब-रोल-बहिरिय-समग्ग-दिसयक्वं । तडविय-करं कुद्धं पि करि-कुलं दूरमोसरइ ||२६२|| धूमज्झामलिय-दिसो महंत-जालालि-लिहिय-गयणग्गो । पासमपत्तो विज्झाइ वणदवो अकय-संतावो ||२६३।। विप्फारिय-फार-फणा-फुकार-विमुक्क-विसकणुक्वेरा । पसरंत-रोस-विवसा वि विसहरा पहरिउं न खमा ||२६४|| दिहिप्पयाण-मेत्तेण पडिहयाणप्प-दप्प-माहप्पा | रक्खस-भूयप्पमुहा परम्मुहा ठंति दूरेण ||२६५।। पल्लव-सयणिज्ज-गया पंचनमोक्वार-चिंतणपरा सा ।
रयणिं पि अणेगावाय-संकुलं गमइ खेमेण ||२६६।। 'अह कइवय-दिणावसाणे तत्थ हत्थि-बंधत्थमुवागओ चक्कपुरसामी सिंह-नरिंदो, दिहा य तेण विम्हय-वसुप्फुल्ल-लोयणेण लावन्न - पुन-सव्वंगावयवा रायधया । लक्खिया य आगारमेत्त-दंसणेण जमेसा अणणुभूय-पाणिग्गहण-वइयरा का वि कन्लग त्ति । तओ सो कुसुमचावचक्कलिय-कोदंड-मुक्त-कंडप्पहार-विहरिय-चित्तो चिंतिउं पवत्तो--
मयणघरिणी नूणं दासीदसं पि न पावए,
तिणयण-पिया पत्ता लोए तणं व लहुत्तणं । सलिलनिहिणो धूया धूलीसमा वि न सोहए, अमर-महिला हीलाठाणं इमीऍ पुरो भवे ||२६७।।
For Private & Personal Use Only
Jain Education International
www.jainelibrary.org
