________________
કર
सिरिसोमप्पहसूरि-विरइयं किमेसा मंतेइ ? त्ति लयंतरिओ चेव सुणेमि'त्ति चिंतिऊण ठिओ तहेव तुहिक्लो । तओ कणगावलीए भणियं - सहि संगमिए ! मयणसरपसर-सल्लिय-मणा न सक्लेमि काल-विलंबं खमिउं | संगमीए भणियं - सामिणि ! परिच्चयसु पज्जाउलत्तणं । कणगावलीए भणियं- सहि ! मुहिया' खु तुमं, महं पुण दंसिय-पाणावसाणं वसणं, सो य अज्ज वि न दीसइ सहय-चूडामणी, ता गवेससु तं कहिंचि । तओ गवेसिउं पयत्तार संगमी । कणगावली वि 'सुरसुंदरी-पत्थणिज्ज-दसणस्स दंसणं मह मंदपुलाए दुल्लहं पिव संभाविज्जइ, ता दइयंग-संगम-मणहरेण हारेण चेव तुमं हियय-निव्वुई वहसु त्ति भणंती पुणो पुणो हिययम्मि हारं निवेसेइ । मणिचूडेण चिंतियं- अहो ! निब्भराणुराय-रसिय-हियया एसा | "एत्थंतरम्मि समुग्गओ कुसुमाउह-महाराय-रज्जाभिसेय-कलसो व्व निसानाहो । तल्लिग्गएण गयण-वित्थारिणा थोर-किरणपरेण दिद्वं "दुद्धोवहि-जलुप्पीलेण पलावियं पिव पविभाइ भुवणयलं । वियसिया कुमुइणी । मणिचूडेणावि सम्मं दहण कणगावलिं चिंतियं-- अहो ! विरहदसा-दूसिया वि दंसणिज्जा पिययमा, किसा वि "निसायर-कला किं न लोय-लोयणाणंदमावहइ ? । कणगावली वि चंदमुद्दिसिय'पीऊसकिरण ! निक्करुण ! कीस जलण-कण-वरिसणेण तुमं पि ममं कयत्थेसि ?' ति जंपइ । मणिचूडो वि 'अओ परं न एसा उवेक्खिउं जुज्जइ' ति पत्तो तीए समीवं । सा वि तं दहण अमय-समुद्द-मग्गं व अमंदाणंद-सुदरं देहमुव्वहंती भणिउं पवत्ता- तइया दिहो सि तुमं नयण-दुवारेण "पविसिऊण मणे ।
लूडिय-सुह-सव्वस्सो नीहरिओ पुण न दिहो सि ।।२२।। मणिचूडेण भणियं-पिए ! मा किं पि खेयमुव्वहसु,
अणुराय-रूव-जोव्वण-गुणेहिं संदामिऊण मयणेण ।
सुंदरि ! निद्देसकरो आमरणमहं कओ तुज्झ" ||२३०।। इच्चाइ सुह-संकहाहिं गमिऊण केच्चिरं पि कालं घेत्तूण तं संपत्तो स-भवणं मणिचूडो, पवडिओ परोप्परं पणओ । थोव-दिण-मज्झे य समुच्छलिओ ‘अकज्जं कयं कुमारेण'त्ति जणाववाओ । जओ
थोव-दिणेहिं अकज्जं गोविज्जंतं पि पायर्ड होइ । तिण-संछन्नो वन्ही पच्छन्नं केच्चिरं ठाइ ? ||२३१||
For Private & Personal Use Only
Jain Education International
www.jainelibrary.org
