________________
४०
ता करण- निग्गहपरो परिचत्त-कुमित्त-वग्ग-संसग्गो । संपइ पसंत-चित्तो वट्टेज्जसु संत मग्गम्मि ||२२३||
सिरिसोमप्पहसूरि विरइयं
एवमणुसा सिय-सुओ सुयण वग्ग-सक्कार-पुरस्सरं जणियजिणिंद-मंदिर- महापूओ पवन्नो परम विभूईए मणिप्पभ- मुणि-समीवे समण - दिक्खं ४८ खेयरेसरो ।
रयणचूडो वि साहिय-सयल - विज्जो विज्जाहर नरिंद-संदोह - सेविज्जमाण-चरण-कमलो कालं वोलेइ ।
-
मणिचूड - कुमारो वि हु पिउणा अणुसासिओ वि तह सम्मं । विसय- पिवासा-वसगो नियय-सहावं अचंती ||२२४ || अगणिय- कज्जाकज्जो अणवेक्खियखत्तधम्म- कुलधम्मो । वियरइ जए जहिच्छं निरंकुसो मत्त-नागो व्व || २२५ ||
अन्नया महु-समागम समुप्पन्न - पमोएण व पणच्चमाणासु दाहिणपवण - पहल्लिर-पल्लव- करेहिं वणलयासु वम्मह - महाराय - रज्जघोसणासु व सुणिज्जमाणासु पइ-तिग- चउक्क-चच्चरं चारु- चच्चरीसु, माणिणी - माण- मोयणीवएस पएसु व पयट्टेसु पइ-वणं "कोइल - कुलालावेसु, पयट्टे विसहंत तरुणि नट्टे मयण महूसवे, पासाय"उवरिट्टियाए दिट्ठो पगिड - रूव-जोव्वण- गुणाभिरामाए खयर - रामाए रायमग्गम्मि संचरमाणो मणिचूडी । "पलोइओ सिणिद्ध - दिट्ठीए । कुमारो वि तव्वयण-पंकयाणुसारिणीए महुयरीए विवर दिडीए पुणो पुणो तं पलोयंतो पत्तो निय-भवणं ।
-
-
Jain Education International
कयाइ एगंत ठियस्स मणिचूडस्स समीवमागया "संगमी नामा तीए वयंसिया निवडिऊण चलणेसु भणिउं पयत्ता ४ मणिचूडेण भणियं भणसु । तीए भणियं
-
कुमार ! सुणसु विन्नत्तियं ।
-
अत्थि एत्थेव वत्थव्वयस्स "जयसेहर - विज्जाहरस्स धूया सयल - खयरीचक्क चूडा- माणिक्कभूया कणगपूराहिवइणा कणगकेउ - विज्जाहरेण परिणीया कणगावली नामं । तीए य पासाय- सिहरडियाए रायमग्गमोगाढे गाढ - सोहग्ग-लच्छि - कुलमंदिरम्मि तुमम्मि निवडिया दिट्ठी ।
तुह दंसण- परवस - माणसा य मयरद्धएण बाणेहिं । भित्तूण मच्छरेण व तह कह वि कयत्थिया बाला ||२२६||
For Private & Personal Use Only
www.jainelibrary.org
