________________
३८
सिरिसोमप्पहसूरि-विरइयं मरिऊणं सोहम्मे एक्क-विमाणम्मि दो वि उववन्ना । तत्थ वि पुव्व-सिणेहेण सयल-कज्जाइं कुणमाणा ।।२०६|| पंच-पलिओवमाइं परमाउं पालिउं तदवसाणे ।
तत्तो चुया समाणा संजाया जत्थ तं सुणसु 11२०७ ।। तत्थ मयण-जीवो इहेव विजये विजयपुरे नयरे समरसेणस्स रन्नो महादेवीए जयावलीए४५ पुत्तो मणिप्पभो नाम संजाओ । अहिगयकलाकलावो संपत्त-जोव्वणो कय-दार-परिग्गहो पलिय-पलोयणपबुद्ध-जणय-समप्पिय-रज्जभारो उभय-लोगाविरुद्धं विसम-साहसवसीकयासे स-सामंत-मउलि-मणि-मसणिय-पायवीढं रायलच्छिमुव जंतो कालं वोलेइ।
तेणेगया गय-कंधराधिरूढेण रायवाडिया-निग्गएण गयणं व दिलं दिप्पंत-तारागण-परिगयं पफुल्ल-कमलसंड-मंडियं महा-सरं । 'अहो ! अच्चंत-चारुत्तणमिमस्स' त्ति चिंतयंतेण सुदूरं निज्झाइयं । पाइक्कहत्थाओ आणाविऊण गहियं कमलमेक्वं | तओ गओ अग्गओ राया । नियत्तो तेणेव मग्गेण । दिलु उच्चिय-सयल-कमलं पमिलाण-पुव्व-सोहं तं सरं । तओ ‘हा ! किमेयमेरिसं जायं ?' ति पुहं रल्ला । भणियं परियणेण- देव ! एक्वेक्वं कमलमवणिंतेण लोएण एवं कयं । रन्ना चिंतियं
एयं सरोवरं जह कमल-विमुक्वं न पावए सोहं । पुरिसो वि रेहए तह न रज्ज-रिद्धीए परिचत्तो ||२०८।। रिद्धी असासय च्चिय सुविणय-माइंदयाल-सारिच्छा । किंपाक-तरु-फलं पिव परिणामाऽणत्थ-हेऊ य ||२०१।। इच्चाइ चिंतयंतो चित्ते जा वच्चए महीनाहो । ता दिहो उज्जाणे नामेण जिणेसरो सूरी ||२१०।। धम्मकहं कुणमाणो पयमूले तस्स देसणं सोउं । सुय-संकामिय-रज्जो पडिवन्नो संजमं राया ।।२११ ।। कमसो तिव्व-तवच्चरणवस-सम्प्पन्न-गयण-गम-सत्ती । विमलोहिनाण-विनाय-सव्वभावो इमो सो हं ।।२१२||
Jain Education International
For Private & Personal Use Only
www.jainelibrary.org
