________________
सिरिसोमप्पहसूरि - विरइयं
अज्जउत्त- सरिसो अन्नो को वि एसो, सो पुण सीयज्जर - परिगओ गेहे मुक्को कहमिहागओ ? एवं खणमेक्कं ठाऊण चलियाओ ताओ । धणदेवी वि सिरिमईए वत्थंचले कुंकुम-रसेण
३४
कहिं हसंति ? कहिं रयणउरु ? कहिं नह- हिंडणु भूउ ? । धणदेवह धणवइ - सुयह विहि सुहकारणु हूउ || १८० ।।
एयं लिहिऊण केणावि मिसेण निग्गओ । तब्भज्जाओ आरूढाओ तं चैव चूय- पायवं । इयरो तहेव अप्पाणं बंधेऊण विलग्गो थुडे । उप्पइओ चूय- पायवी, पत्ती खणमेत्तेण हसंतीए । ठिओ तत्थेव घरुज्जाणे | धणदेवो मुत्तूण चूयं पविडो भवणब्भंतरं । णुवन्नो सयणिज्जे पाउय-पउर-पावरणो कणंतो ठिओ । इयरीओ चूयाओ अवयरिऊण पविट्ठाओ भवणं । दिट्ठो पसुतो धणदेवो । पसुत्ताओ खणमेक्कं ।
अह पभाया रयणी । समुग्गओ समग्ग- तिमिरभर-हरण-पच्चलो चंडकरो | धणदेव-भज्जाओ य सेज्जाओ मुत्तूण लग्गाओ स कज्जेसु । अह लहुईए दिडो कह वि पावरण बाहिं विणिग्गओ विवाह - कंकणसणाही धणदेव - करो, दंसिओ जेडाए - किमेयं ? ति । जेट्ठाए भणियंसच्चं तया तए संलत्तं 'जहेस वरो अज्जउत्तो व्व दीसइ' त्ति, ता इमिणा अम्हे लक्खियाओ त्ति । न भेयव्वं, करेमि इमस्स दुरिसक्खियस्स सिक्खं ति भणंतीए बद्धो चलणम्मि मंतेण अभिमंतिऊण दोरो | तप्पभावेण जाओ धणदेवो सुगो ।
-
खित्तो य पंजरे सो सुदीण-वयणो दिणाई वोलेइ । भवणं बंधुयणं परियणं च निययं पलोयंतो ||१८१|| अह चुल्लि - निवेसिय- थालिगाए पक्खित्त-वेसवाराए विहिय - छमक्कारं भज्जिगाए पागं कुणंतीए ||१८२|| ताओ य तं सुगं भेसयंति धरिऊण सत्थ-धाराए । न हि भज्जिया - छमक्केण मुणसि अरे ! इय वयंतीओ || १८३ || एवं आरोविज्जइ पइ दिवस जीय-संसय-तुलाए । सो कीरो कलुण-मणो ताहिं दुरायार-भज्जाहिं ॥१८४||
इओ य रयणपुरे सिरिपुंज - सेहिणा गवेसिओ सव्वत्थ धणदेवो । न दिट्ठो कत्थ वि । तओ विसन्नचित्तेण पभाए य वत्थंचल-लिहियक्खर
For Private & Personal Use Only
Jain Education International
www.jainelibrary.org
