________________
31
सुमइनाह-चरियं जइ वि लज्जणिज्जं तहा वि तुह पढम-दंसणे वि पयासियाणप्पसिणेहत्तणेण परम-बंधुभूयस्स पुरओ सीसइ । तओ सिहो जहडिओ सव्वो वि निय-वुत्तंतो । धणदेवेण वुत्तं-केत्तियमेत्तमेयं जइ मह भज्जाण वुत्तंतं सुणेसि ? | विम्हिय-मणेण मयणेण वुत्तं- भद्द ! कहसु तुमं पि निय-भज्जा-वुत्तंतं । तओ धणदेवो कहिउमाढत्तो । तहाहि____ इहेव नयरीए जिणधम्म-किच्च-निच्चल-मणो मुणिजणपज्जुवासणपरो परोवयार-निरओ धणवई सेही । तस्स य सयल-गुणकलाव-कुलभवणं भवणंगण-संचारिणी मुत्तिमई लच्छि व्व लच्छी नाम भज्जा | ताणं च उभय-लोगाविरुद्धवित्तीए वÉताण जाया २५दोन्नि पुत्तापढमो धणसारो, इयरो धणदेवो । समए कराविया दो वि कला-गहणं । जोव्वणारूढा य परिणाविया विसिह-रूव-लावन्नाओ वणिय-कन्नाओ । अह निय-निय-कम्म-संपउत्ताणि सव्वाणि कालं वोलंति ।
अन्नया मरण-पज्जवसाणयाए जीवलोयस्स, पइसमय-विणस्सरसरूवत्तणेण आउकम्मुणो मुणिय-निय-जीवियावसाण-समओ समसत्तु -मित्त-भावो भव-विरत्त-मणो क य - सव्व-सत्त -खामणो पंचपरमेहि-मंत-सुमरणपरो परलोय-पहं पवल्लो धणवई । तओ पइविओग-सोग-सलिल-पज्जाउलच्छी लच्छी वि निच्छिऊण सुसाणं व भीसणं घरवासं विसय-वासंग-विमुही महंत-तव-विसेस-सोसिय-तणू पंचत्तमुवगया । अह अम्मा-पिउ-मरण-रणरणय-दूमिय-मणा मणागं पि निव्वुइमपावंता परिचत्त-सयल-कज्जा धणसार-धणदेवा अणुसासिया तक्वालागय-मुणिचंद-मुणिंदेण
भो भो ! किमेवमच्चंत सोग-संभार-निब्भरा तुब्भे । गमह दिवसाइं ? जं नो परिभावह भव-सरूवमिणं ||१६८।। जं किं पि चराचरमत्थि वत्थु सयलम्मि जीव-लोयम्मि खणभंगुरस्सरुवं सव्वं ता किमिह सोगेण ? ||१६१।। पाणेसु निच्च-पहिएसु चले सरीरे,
तारन्नयम्मि तरले, मरणे धुवम्मि | धम्म जिणिंद-भणियं चइऊण "इक्वं
जंतूण ताणमवरं नणु नत्थि किंचि ||१७०।।
Jain Education International
For Private & Personal Use Only
www.jainelibrary.org
