________________
५१०
सिरिसोमप्पहसूरि-विरइयं तो अग्गिकुमारेहिं सुहेण जलणो चियासु पक्खित्तो । पज्जालियाओ एयाओ वाउणा वाउकुमरेहिं ॥३६५६।। अह सुमइनाह-देहस्स मंस-रुहिरम्मि झामिए मुत्तुं । मेहकुमारेहिं जलं सुरेहिं विज्झाविया चियगा ||३६५७।। तत्तो गिण्हइ पहुणो उवरिल्लं दाहिणं हणुं सक्को । चमरिंदो हेहिल्लं व गिण्हए दाहिणं हणुगं ||३६५८।। वामं ईसाणिंदो उवरिल्लं हिहिमं बली लेइ । सेसहवीस-दंते कमेण गिण्हंति सेसिंदा ||३६५ ।। सेसऽहियाणि देवा रक्खं पुण खेयरा नरा लिंति । अहमहमिगाए उवसग्ग-वग्ग-निग्घायण-निमित्तं ।।३६६०।। माणवग-खंभ गयदंत-निहिय-सक्वय-समुग्गयगणेसु । वयरमएसु सुरिंदा ठवंति जत्तेण सकहाओ ||३६६१।। पूयंति ताओ निच्चं जइ तेसिं कोइ परिभवं कुज्जा । तो तन्हवण-जलेणं कुणंति ते अप्पणो रक्खं ।।३६६२।। लोए वि कप्परुक्खो संकप्पियमप्पए वणसई वि । चिंतारयणं उवलो वि वियरए चिंतियं वत्थु ।।३६६३।। संजणइ तक्खणेणं कामियमत्थं पसू वि कामदुहा । ददुर-सप्पाइ-मणी अहि-सरूवो वि हणइ विसं ॥३६६४।। तणरुवाओ वि हु ओसहीओ साहेति हत्थबद्धाओ । जरहरण-वसीयरण-प्पमुहाई महंत-कज्जाइं ॥३६६७।। इय जइ वि चेयणाण वि विसिह-गुण-लेस-वज्जियाणं पि । साइसय-कज्ज-करणप्पवण विप्फुरइ माहप्पं ॥३६६६|| ता केवलनाणधराण जइ जिणिंदाण तव-समिद्धाण । देहावयवा साहंति वंछियं तत्थ किं चोज्जं ? ||३६६७।। पहु-सक्वारहाणे तियसा थूभं कुणंति रयणमयं । रयणमयं पहु-पडिमं तदुवरि ठविऊण पुज्जति ||३६६८।। उक्वीरइ मोक्ख-सिलायलम्मि नामं च लक्खणाइं च । वज्जेणावज्जहरस्स वज्जपाणी-जिणिंदस्स ||३६६।।
Jain Education International
For Private & Personal Use Only
www.jainelibrary.org
