________________
५०८
सिरिसोमप्पहसूरि-विरइयं चित्तस्स सुद्ध-नवमीए रयणिनाहे पुणव्वसु-गयम्मि । लढूण नाण-दंसण-सुह-विरिय-चउक्वयमणंतं ।।३६२८।। निहविय-भवोवग्गाहिय-कम्म-वेयणिय-नाम-गोत्ताऊ । सह साहु-सहस्सेणं सुमइ-जिणिंदो सिवं पत्तो ||३६२१।। सिद्धिगइ-नामधेयं सिद्धंतधरेहिं जं समक्खायं । हिमहार-धवल-वन्नं उत्ताणिय-छत्त-संठाणं ॥३६३०।। पणयालीसा जोयण-लक्ख-पमाणं च जं विणिद्दिडं । जं अह-जोयणाई बाहल्लं वहइ मज्झम्मि ||३६३१|| कमसो हायंते तम्मि मच्छिया-पत्त-तणुयरं अंते । जम्म-जरा-रोग-विओग-सोग-मरणेहिं रहियं जं ||३६३२।। जं कोह-माण-माया-लोहुब्भव-दुक्खलक्ख-परिचत्तं । ईसा-विसाय-भय-मयण-मोह-रइ-अरइ-परिहरियं ||३६३३|| निद्दा-खुहा-पिवासा-विसयासाणिहजोग-मुक्वं जं । तस्संतिम-अहम-जोयणस्स पज्जंत-कोसो जो ॥३६३४|| तस्स वि छठे भागे भणियमवहाणमखिल-सिद्धाणं । जेसिं न इंदियाइं न इंदियत्था न य सरीरं ।।३६३५।। भवतणु-तिभागहीणावगाहणो नाणदंसण-सरुवो । तेसिं मज्झे भयवं जाओ जीवप्पएस-घणो ||३६३६।। तत्तो निव्वाणगयं मुणिऊण जिणेसरं सुमइनाहं | बत्तीसा वि सुरिंदा समनिया देवदेवीहिं ॥३६३७।। हिययब्भंतर-पसरिय-सोयानल-डज्झमाण-सव्वंगा । मिल्लंति अद्ध-कहं व बाह-संदोह-नीसंदं ||३६३८।। वेउन्विय-बाह-जलप्पवाह-संसित्त-सयल-महिवलया । गख्य-सरेण रूयंता सद्देक्कमयं कुणंति जयं ।।३६३१।। तहा एत्तिय-कालं ति-जयं आसि सणाहं तुमम्मि विहरंते । संपइ सिवपय-पत्ते नाह अणाहं इमं जायं ||३६४०।। तइं तइलोक्व-पईवे निव्वाण-गयम्मि नाह भविय-गणो । कह मोह-तमोह-घणे संचरिही मोक्ख-मग्गम्मि ? ||३६४१||
Jain Education International
For Private & Personal Use Only
www.jainelibrary.org
