________________
५०७
सुमइनाह-चरियं
रयणमय-सिहर-दूरुच्छलंत-निज्झारण-नीर-पूरेण । हरिसेण सहइ सामिस्स मज्जणं काउकामो व्व ||३६१५।। वर-पउमराय-फलिहिं दनील-किरणेहिं रेहइ जिणस्स । घुसिण-सिरिखंडमय-मयविलेवणं विरयमाणो व्व ||३६१६।। रवि-किरणाहय-रविमणि-समुत्थ-जलणेण डज्झमाणेहिं । कप्पूरागरु-दारुहिं धूवमुग्गाहयंतो व्व ||३६१७।। पवणुव्वेल्लिर-पल्लव-करेहिं नहें पयासयंतो व्व । गायंतओ व्व कुसुमावसत्त-भसलावलि-रवेण ॥३६१८।। तं सम्मेय-महीहरमारूढो जिणवरो तओ तत्थ । सुर-जोइसियासुर-वंतरेहिं विहियं समोसरणं ॥३६११।। तत्थ निसनो सिंहासणम्मि सूरो व्व उदय-सेलम्मि । वयण-किरणेहिं पयडइ भावाणं अवितहं एवं ॥३६२०।। तथाहिस्वाम्यं स्वप्नसमं समागम-सुखं सन्ध्याभलेखा-मुखम्, तारुण्यं करि-कर्ण-ताल-तरलं लक्ष्मी तडिद्धंगुरीम् । आयुर्वायुचलं बलं कुसलता-लग्नाम्बु-बिन्दूपमम्, मत्वा विश्वमशाश्वतं वितनुत क्षेमाय धर्मोद्यमम् ||३६२१|| इय धम्मदेसणामयरसेण संपीणिऊण भविय-गणं । आरुहइ पहू तुंगं सिगं सम्मेय-सेलस्स ||३६२२|| तत्थ पसत्थ-सिलाए समं सहस्सेण केवलि-मुणीणं । पउमासणोवविहो सुमइ-जिणो अणसणं कुणइ ||३६२३।। अह बत्तीस सुरिंदा सामाणिय-पमुह-देव-परियरिया । निय-तणू-पहा-पयासिय-गयणयला तत्थ संपत्ता ||३६२४|| सह अच्छराहिं वंदंति सामिणं संथुणंति गायति । नच्चंति पुरो बहुमाण-निब्भरा पज्जुवासंति ||३६२५।। इंतेहिं नियत्तेहिं देव-देवी-गणेहिं संछन्नं । सम्मेय-सेल-सग्गंतरालमुव्वहइ सग्ग-सिरिं ||३६२६।। मासंते ज्झायंतो सुक्वज्झाणस्स चरम-भेयमिमो । लहु-पंचक्खर-भणणप्पमाण-सेले सिमारूढो ।।३६२७।।
Jain Education International
For Private & Personal Use Only
www.jainelibrary.org
