________________
૨૮
सिरिसोमप्पहसूरि- विरइयं
जत्थ विरहग्गि - डज्ांत-विरहिणी - हियय-समुल्लसिय- धूमलेहाहिं व मेह - मालाहिं सामलीकयं गयणयलं, जलय-पिययम- समप्पियं कणयमयाभरणं पिव विज्जुलयालोयं वहंति दिसि वहूओ, पाउसमहाराय - रज्जघोसणा - डिंडिमो व्व सव्वत्थ- वित्थरिओ घण-गज्जिरवो, माणिणी-माण - खंडण - पयंड - खग्ग- धाराओ व्व निवडंति सलिलधाराओ, "महि-महिला- हार-सरियाओ व्व सरिआओ पसरियाओ । एवंविहे य तम्मि ओलोयण-गयस्स मयणस्स नयण - विसयं समागया समासन्न - घरं गण-गया रुयमाणी रमणी पउत्थवइया, सुया य सावहाणेण होऊण किं पि पलवमाणी । जहा
हा नाह ! अणाहं मं मुत्तुं देसंतरं तुमं पत्तो । संपत्ती घण- समओ जइ वि तुमं तह वि नो पत्तो || १५२ ॥ घणगज्जि - विज्जुतडा ! सरणं रयणीसु कं पवज्जिस्सं । गलइ कुडीरं पि इमं निवडते नीर- पूरम्मि || १५३ ||
निद्विय- चिरंतण - धणा किं देमि अहं रुयंत डिंभाणं ? | अहह ! विहिणा अहं चिय विणिम्मिया दुक्ख - कुलभवणं || १५४ || तओ चिंतियं मयणेण 'हा ! वराईओ रमणीओ पइ-विरहे एवंविहं दुत्थावत्थं अणुभवंति चंडा-परांडाओ वि मह विरहे महंतं दुक्खमावन्नाओ भविस्संति' त्ति सोग-संगलंत - जलेण तरंगियाइं नयणाई मयणस्स | भणिओ सो विज्जुलाए - 'नाह ! किमेवमुव्वेय कारणं ? ।' निब्बंधे य सिद्धो अणेण पुव्व-भज्जा-संभरण- वइयरो । दूमिया इमा चित्तेण । अदसिय- - वयण- - वियाराए भणियमणाए - नाह ! जइ एत्तियं हियय-दुवखं तो तत्थ गंतूण किं न कीरइ रई तासिं? | मयणेण भणियं - पिए ! जइ तुमं विसज्जे सि । तीए भणियं-संपयं पंक- दुग्गमा मग्गा, विसमाओ गिरिनईओ, ता न तीरइ गंतुं, वित्ते पाउसे वच्चिज्जासि । तव्वयणेण ठिओ सो । अह पयट्टे फुहंत-कंदोह - संघट्टे भमंतालि-थट्टे विसहंतदोघट - मरट्टे सरय- समए विज्जुला - समप्पिय- करंबय पाहेज्जं घेत्तूण निग्गओ कुसत्थलाभिमुहं । वच्चंतो य पत्तो कमेण दिवस-पहर - दुगसमए गाममे क्कं । वीसंतो तत्थ सरोवर-तीर-तरु-तले । तओ पक्खालिय-कर-चलणो" कय- -देव-गुरु- सुमरणो "भोत्तुमणो चिंतिउं
पवत्तो
Jain Education International
3
-
For Private & Personal Use Only
www.jainelibrary.org
