________________
રાક
सुमइनाह-चरियं
पत्ता य जोव्वणमिमा पाणेहिं तो वि वल्लहा मज्झ । खणमित्तं पि इमीए विरहं सोढुं न सक्वो हं ।।१३९।। एसा विवाह-जोग्गा वट्टइ संकडमिमं समावडियं । इय चिंताभारेणं गरुएण अहं समक्तो ।।१४०।। ववगय-छुहा-पिवासो सुन्न-मणो चत्त-सयल-वावारो । वहामि मज्ा-रत्ते अलद्ध-निद्दा-सुहो जाव ||१४१|| ताव कुलदेवयाए भणिओ हं भद्द ! मा कुणसु चिंतं । अज्जं नयरुज्जाणे असोगतरुणो तल-निसन्नं ||१४२।। पिच्छिहिसि पुरिस-रयणं विसाल-कुल-संभवं कला-कुसलं । दिवसस्स पहर-समए मयणं नामेण गुणवंतं ||१४३।। पच्चक्खं पिव मयणं तस्स तमं दिज्ज कन्नगं एयं । कुलदेवया मए तो नमिउं भणिया इमं वयणं ||१४४|| धूया-वरप्पयाणेण देवि ! तुमए अहं समुद्भरिओ | चिंता-समुद्दमग्गो तो सा वि अदंसणं पत्ता ||१४५।। तत्तो रयणीसेसं गमिउं काऊण गोस-किच्चाई । उज्जाणमागओ हं ता चक्खुपहं तुमं पत्तो ||१४६।। एएण हेउणा ते मुणामि नाम इमं च दाहामि । विज्जुलयं निय-धूयं करेसु ता मज्झा वयणमिणं ||१४७।। पडिवन्नमिणं मयणेण सुह-मुहत्ते करग्गहण-लग्गे । वित्ते पसत्थ-वत्थाऽलंकार-"सुवन्नमाईहिं ||१४८|| सम्माणिऊण मयणरस भाणुदत्तेण अप्पियं भवणं । तो विज्जुलयाए सह तत्थ गओ कीलइ जहिच्छं ||१४१।। अमुणिय-कुल-सीला वि हु जत्थ व तत्थ व गया वि सप्पुरिसा । पावंति पुव्व-पुल्लोदएण मणवंछियं सोक्खं ||१०|| ता जइ महल्ल-कल्लाण-कामिणो माणवा इहं तब्भे । ता कुणह तह पयत्तं जह पुग्नं पावए वुद्धिं ||१५१||
अह भाणुदत्त-दत्त-दविण-विणिओग-संपज्जमाण-मणवंछियत्थसत्थरस मयणरस गएसु कइवय-वच्छरेसु कयाइ पयट्टो पाउसारंभो ।
Jain Education International
For Private & Personal Use Only
www.jainelibrary.org
