________________
૨૬
सिरिसोमप्पहसूरि - विरइयं
अह अच्चभुय-चरियं दोण्ह वि दद्दूण विम्हिओ मयणो । सप्प - "भय- चत्त-चित्तो चिंतिउमेवं समादत्तो || १२५ ।।
चंडाए सकोवाए सरणं जाया इमा परांडा मे ।
जइ पुण करेज्न कोवं इमा वि ता होज्ज को सरणं ? || १२६|| पियकारिणो वि मह विप्पिएण केण वि इमा वि कुप्पेज्ज | पियमप्पणी वि तीरइ पए पर केत्तियं काउं ? || १२७ ।। सो नत्थि विप्पियाइं अवगणिउं गणइ जो सुकयमेव । एक्केण दुक्कएणं 'सुकय-सहस्सं फुसइ लोओ || १२८|| ता भुयगीहिं व भयंकराहिं एयाहिं दोहिं वि अलं मे । इय चिंतिऊण चित्ते गेहाओ विणिग्गओ मयणो || १२९|| पत्तो परिब्भमंतो कमेण मणि-निम्मियामर - निवासे । वासवपुर - संकासे संकासे पवर-नयरम्मि ||१३|| तो कुसुम - गंध - लुदालि - जाल- मुहलम्मि परिसरुज्जाणे । कंकेल्लितरुस्स तले विस्साम-निमित्तमुवविट्ठो ॥१३१|| तावाऽऽगंतूण इमं भणिओ सो भाणुदत्त - " गिहवइणा । भो मयण ! सागयं ! भद्द ! एहि नयरम्मि पविसामो || १३२|| कह मुणइ मज्झ नामं इमो ? त्ति अह विम्हयं परिवहंतो । संचलिओ सो तेणं नीओ निय-मंदिरमुदारं ||१३३|| महया संरंभेणं कारविओ ण्हाण-भोयणाईयं । भणिओ य तदवसाणे सप्पणयं भाणुदत्तेणं || १३४ || विज्जुलया - नाणं मह धूया अत्थि कमल-दल- नयणा । सुरसुंदरि - सम-रूवा पाणिग्गहणं कुणसु तीसे ||१३५ || तो विम्हिण मयणेण जंपियं मह अदिट्ठपुव्वरस । कह मुणसि तुमं नामं ? कह वा अमुणियकुलस्स ममं ||१३६||
देसि तुमं निय-धूयं ? महंतमिह कोउगं महं हियए ।
तो भइ भाणुदत्तो इत्थत्थे कारणं सुणसु ॥१३७॥ भद्द ! चउण्हं पुत्ताणमुवरि एसा मणोरह-सएहिं । संजाया मह धूया समग्ग-भुवणच्छरि अभूया || १३८ ||
Jain Education International
For Private & Personal Use Only
www.jainelibrary.org
