________________
૬૦૨
सिरिसोमप्पहसूरि-विरइयं इयरे वि 'मया रायधुय' त्ति कयनिच्छया गमिस्संति सठाणं । परिणिस्सइ ललियंगओ उम्मायंतिं । तीए सह समागयं ललियंगयं निय-नयरे निवचंद राया सयं दिक्खा-गहणेण कओज्जमो ठविस्सइ निय-रज्जे । ललियंगो वि उम्मायंतीए सह विसए सेवंतो चिरं रज्जं पालिऊण . सरयब्भ-पडलं पढमं पवड्डमाणं पच्छा पवणाहयं तक्खण-विणहं च पेच्छंतो विरत्तो चिंतिस्सइ जहा
घण-पडलमिणं जह वडिऊण पवणाहयं गयं विलयं ।
तह चेव रूव-जोव्वण-सिरीओ सहसा पणस्संति ||३५७५।।
ता सुकयं चेव काउं जुज्जइ ति चिंतापरस्स तस्स आगमिस्सइ सिरिहर-नाम तित्थयरो | तस्संतिए देसणं सोऊण नियपुत्त-दिन-रज्जो भज्जाए समं ललियंगो दिक्खं गिहिस्सइ । तिव्व-तव-च्चरणपराणि मरिऊण ईसाणदेवलोए दोवि देवत्तं लहिस्संति । तओ चुओ ललियंगयजीवो धाईसंडे पुव्व-विदेहे रयणावईए पुरीए रयणनाह-रन्नो कमलावईए देवीए देवसेणो नंदणो । निरुवमेणं रूवेणं ललिएणं लायनेणं उदग्गेणं सोहग्गेणं महल्लेणं कलाकोसल्लेणं तो सियत्थि-संघाएणं चारणं गुरुयणाणंद-जणएणं विणएणं अलद्धहीलेणं सीलेणं सयल-सुर-नरखेयराणं पि सलाहणिज्जो भविस्सइ | उम्मायंती-जीवो य वेयड-पव्वए उत्तर-सेढीए मणिकुंडल-नयरे मणिवइणो रन्नो मणिमालाए देवीए चंदकंता कब्जा होही । सा य विज्जाहर-मुहाओ देवसेणस्स गुणे सोऊण अणुराग-परवसा खेयराणं नामं पि न सहिस्सइ । भूगोयर-अणुरत्त ति निंदिस्संति तं खेयरा | पन्नविस्संति सयणा जहा- असरिसगुणो ते देवसेणो ति । तहावि न विरमिस्सइ तदणुबंधाओ । तओ चिंतिस्सइ गुरुजणो- अत्थि ताव चंदकंताए देवसेणे पेम्मं । जइ तस्स वि एवं पइ हवेज्ज ता सुंदरं ।
प्रेमरम्यमुभयोः समं दिशोर्जायते यदिह चाषपिच्छवत् ।
एकतस्तु न चकास्ति साध्वपि ध्यामपृष्टमिव बहिणच्छदम् ।।३५७६।। - तओ तस्स पेम्म-परिक्खण-पुव्वं आणयणत्थं पेसिस्सइ चित्तमायं नाम खेयरं । सो वि चंदकंताए पडिच्छंदयं घेत्तूण गमिस्सइ रयणावईए नयरीए । दंसिस्सइ देवसेणस्स पडिच्छंदयं । सो वि तं दहूण विम्हियमणो भणिस्सइ इमं- भद्द ! अच्चब्भूयं रूवमेयं कीए संतियं ? ति ।
For Private & Personal Use Only
www.jainelibrary.org
Jain Education International
