________________
५०१
सुमइनाह-चरियं
एवंकए न दोसो अणुचिय-वर-दाणओ मह हवेज्ज ।
तत्तो निवचंद-निवो सयंवरामंडवं काही ||३५७१।। मिलिस्संति तत्थ बहवे रायपुत्ता, तेसिं मज्यो चत्तारि- चउसु विज्जासु कुसला- जोइसे सीहो, विमाण-निम्माणे पुहइपालो, गारुडे अजो, धणुव्वेए ललियंगओ । उम्मायंती वि कयसिंगार-तिरच्छच्छविच्छोहेहिं समुच्छलंत-मच्छरिछोलि-संछन्ना लायन्न-जलहि-लहरि व्व तत्थागया वागरिस्सइ- जोइस-विमाण-गारुड-धणन्वेय-विज्जाण मझे जो एगाए वि विज्जाए कुसलो सो मम वरो होउ त्ति । तओ ललियंगो राहावेहं काऊण धणुव्वेय-कोसल्लं दंसिही ।
तस्स खिविस्सइ कंठे एसा गंधंध-महुयर-रवेण ।
ललियंग-धणुव्वेयं सलाहमाणिं व वरमालं ||३५७२।। एत्थंतरे काम-परवसो कामं कुरो नाम खेयरो उम्मायं तिं अवहरिस्सइ । तओ तीए जणगलोगो ललियंगय-पमुहा य रायपुत्ता परिहयमत्ताणं मन्नंता विसायं गमिस्संति । तत्थ जोइसिओ जेण जत्थ वा सा नीया तं कहिस्सइ । विमाणकारी विमाणं करिस्सइ । जोइसियकहिय-मग्गो विमाणारूढो ललियंगओ गमिस्सइ, वच्चंतो य हिमवंतपव्वए पेक्खिस्सइ सखेयं खेयरेण पायवडिएण पसाइज्जमणिं उम्मायंतिं । तओ धणुदंडहत्थो ललियंगो भणिस्सइ एयं-'अरे दुरायार ! परकलत्तं हरिऊण मणुस्सो होसु ।' कामंकुरो करवालकरो भविस्सइ संमुहो ।
मिल्लिस्सइ ललियंगो तहा सरं खेयरं पइ सरोसो । जह भिंदिऊण सो तं सहस त्ति परेण नीहरिही ॥३५७३|| तेणेव बाण-मग्गेण तस्स पाणा वि निक्खमिस्संति ।
को वा सदोस-ठाणाओ लड़छिद्दो न नीहरइ ? ||३५७४।। ललियंगो वि उम्मायं तिं विमाणारूढ माणिऊण समप्पिस्सइ पिउणो । तं च रयणीए भुयंग-डक्कं जीवाविरसइ गारुडिओ | एत्थंतरे कओवयारा चत्तारि वि रायसुया तीए विवाह-कए विवायं करिस्संति । 'कस्सेसा दिज्जउ ?'त्ति चिंताउरे गुरुयणे भणिस्सइ उम्मायंती-'जो मए समं परलोयमणुसंधइ सो मे पइ होउ ।'त्ति । तओ ललियंगओ पुन्वभवारूढ-सिणेहो इमं पि पडिवजिऊण पविसिस्सइ तीए सह चियाए । पज्जालिए जलणे पुव्वकय-सुरंगादारेण दो वि नीहरिस्संति ।
Jain Education International
For Private & Personal Use Only
www.jainelibrary.org
