________________
सिरिसोमप्पहसूरि - विरइयं नाहि-नरिंद-नंदण - जिणचंद - पडिमाए मणोहर - चेईहरं । तस्स उववणमज्झे आसि एगं कीर - मिहुणं । तं च कयाइ जिणिंद-पडिमं दहूण पहि-मणं माणुस - भासाए परोप्परं जंपिउं पवत्तं
५००
अव्वो अपुव्वमेयं रूवं नयणाण अमयवुडिसमं । अम्हेहिं जेहिं दिहं सहलं चिय जीवियं तेसिं || ३५६३ ॥
ता निच्चं पि पिच्छिस्समाणो इमं ति । पिच्छंताण पिच्छंताण गलिओ मोह-गंठी ।
फुरियं मणे - 'करसइ देवाहिदेवस्स पडिमा इम' त्ति ।
पत्ते य वसंते चंचूर्हि चूयमंजरीओ घेत्तूण तेहिं दिन्नाओ पडिमा - मत्थए । एवं तणु-कसायाण ताण अइक्कंतो कोइ कालो । कयाइ कीरो मरिऊण जाओ तुमं, कीरी वि जाया पुरंदरजसा । एयं सोऊण जायं दोहं पि जाईसरणं । रन्ना वुत्तं- तहाविह - विवेय- वियलत्तणेण अप्पमिणं नियाणं फलं पुण विउल- रज्ज-रिद्धि-लक्खणं महंतं ति । सामिणा वुत्तं - अज्ज वि थोवं पत्तं तए फलं वीयराय - पूयाए । पुन्नाणुबंधि- पुन्नाणुभावओ पाविहिसि बहुयं ॥ ३५६४ || तहाहि
एतो पिया - समेओ सोहम्मं वच्चिरं तओ चविओ । पुव्वविदेहे पुंडरिगिणीए निवचंद - निवइस्स || ३५६५ ।। सिरिचंदाए पियाए होहिसि ललियंगओ तुमं पुत्तो । देवी वि एत्थ विजए मणिनिहि-नयरम्मि रम्मम्मि || ३५६६ ।। सिव - राइणो सिवाए देवीए सुंदरा सुया होही । नाणुम्मायंती उम्मायंती तरुणलोयं ॥ ३५६७||
मयरद्धय-निहि-कलसायमाण- थणमुल्लसंत-लायन्नं । सा तारुन्नं पत्ता तो जणणी- जणिय - सिंगारा || ३५६८।। पिउ-पाय- पणमणत्थं वच्चिस्सइ सो वि तीए रूवसिरिं ॥ सयल - जयब्भहियं पिच्छिऊण चिंतिस्सए एयं || ३५६९ || मन्ने न को वि उचिओ वरो इमीए नरिंद - तणएसु । जुत्तो सयंवरो ता वरउ वरं तत्थ इच्छाए ।।३५७०।।
For Private & Personal Use Only
Jain Education International
www.jainelibrary.org
