________________
सुमहनाह - चरियं
४१९
सोऊण समप्पिओ मए अप्पा । संपयं पुण तए विक्कमेण किणीया अहं ति । कुमारो वि तं घेत्तूण आगओ आवासं, कमेण पत्तो सावत्थीए । संजाय - दुगुण- हरिसेण रण्णा परिणाविओ पुरंदरजसं । सक्कारिओ करितुरय-रह- सुवन्नाइ दाणेण । आगओ स नगरं । सेवए तीए सह विसयं । कयाइ समर-वावारेण परलोयं पवन्ने समरसीहे निसन्नी रज्जे निहिकुंडली |
जे न पवन्ना सेवं कउज्जमाणं पि पुव्वनिवईणं । ते वि हु पयावमेत्तेण तस्स आणापरा जाया ।। ३५५९ ।।
अन्नया नंदिवर्द्धणायरिय-समीवे धम्मदेसणं सुणिऊण सहकंताए पवन्नो सावगत्तणं । कारेइ जिणाययणे, ठावेइ तेसु जिण-पडिमाओ, कारवेइ रहजत्ताओ, पूएइ चउव्विह-संघं, करेइ जिणसासण-प्पभावणं । जाओ य तस्स सुओ पुन्नजसो ।
अह तत्थ तित्थनाही सुमई निम्महिय-सयल - जण - कुमई । विहरतो संपत्ती पडिबोहंतो भविय-वग्गं ॥ ३५६० ।।
कयं देवेहिं समोसरणं, उवविडो भयवं पयाहिणा - पुव्वं सिंहासणे, वदाविओ निउत्त- पुरिसेण राया । दाऊण तस्स तुडिदाणं गयकं धराधिरूढो गओ भयवओ वंदणत्थं । पंचविहाभिगमेण पविडो समोसरणे, ति - पयाहिणा-पुव्वं पणमिऊण निविडो स-ठाणे । निसन्नाए दुवालसविहाए परिसाए पुरओ पारदा भयवया देसणा
I
ते धत्तूर - तरुं वपंति भवने प्रोन्मूल्य कल्पद्रुमं, चिन्तारत्नमपास्य काच शकलं स्वीकुर्वते ते जवात् । विक्रीय त्रिदशाधिराज - करिणं क्रीणन्ति ते रासभं, ये लब्धं परिहृत्य धर्म्ममधमा धावन्ति भोगाशया ॥ ३५६१||
तो रन्ना निहिकुंडलेण समयं लद्धूण पुट्ठो इमं-, सामी किं सुकयं कयं पिययमा जुत्तेण पुव्वं मए ? | जेणाऽसेस - नरिंद-मत्थय-मणी-लीढ-कमांभोरुहं,
-
पत्तं रज्जसुहं पुरंदरजसा जाया य मे वल्लहा || ३५६२ ||
सामिणा वृत्तं - अत्थि महाधणं नाम वणं । तत्थ जिणपणमणत्थमागयाहिं अच्छराहिं व मणि- सालिभंजियाहिं रेहंत-कणयखंभं
Jain Education International
For Private & Personal Use Only
www.jainelibrary.org
