________________
सुमइनाह-चरियं
५१३ . चित्तमाओ भणिस्सइ- मायंगीए । वियक्तिऊण भणिस्सइ देवसेणो
नूणं कावि विसुद्ध-वंस-पभवा पंकेरुहच्छी इमा ?, मायंगि त्ति कहेसि जं पुण तुमं मायं ति मन्ने मि तं । मायंगी जइ होज्ज ता मह कहं एसा पमोयं मणे ?, उल्लासेइ जओ हरेइ हिययं हंसस्स किं वायसी ? ||३५७७।।
एवं सोऊण मुणिय-देवसेण-चित्तो चित्तमाओ विउव्विय-तालतरुदीहदेहो देवसेणं उक्खिविस्सइ, नइस्सइ मणिकुंडल-नयरे । तओ खेयरिंदो गरुय-रिद्धीए चंदकंताए करग्गहणं कारविस्सइ महासकारेण । कित्तियं पि कालं धरिऊण, गुरुयण-दंसणूसुयं सुयाए चंदकंताए समं विमाणारूढं नियपुरीए पराणिस्सइ ।
तीए सह देवसेणो विसय-सुहं सेविही विहिय-नेहो । अह सग्ग-गए जणए रज्जं परिपालिही सुइरं ||३५७८|| पिउ-पेसिएहिं वर-गंध-कुसुम-पमुहेहिं चंदकंताए ।
भोगो होही समए कुल-कप्पतरु ति तुह पुत्तो ||३५७१।। कयाइ किं कर-खयर-पमाय-दोस ओ अहिणव-भो गंगाणं कुसुमाईणं असंपत्तीए वासिएहिं पि तेहिं चंदकंता करिस्सइ सिंगारं । सो य अच्चंत-मणहरो न भविस्सइ । तओ सहीजणो परिहासं विहिस्सइ जहा-देवि ! न वल्लहा तुमं पिउणो जमेवं भोगंगाण परिहाणी । चंदकंता वि तक्खणेण वेरग्गं वच्चिहीही पिया वि मे मंद-नेहो जाओ ।
जत्थ सिणेहाभावं नियय-अवच्चेसु वच्चइ पिया वि । निय-कज्ज-नेहलाणं का गणणा तत्थ सेसाणं ? ॥३५८०।।
एवं भव-विरत्त-चित्तं चंदकंतं पेच्छिऊण राया वि विसय-विमुहो होही । एत्थंतरे विउलजसो तत्थ तित्थयरो समागमिस्सइ । तओ पुत्तं रज्जे ठविऊण देवसेणो देवी-सहिओ तस्संतीए वयं गेण्हिस्सइ ।
कय-तिव्व-तवच्चरणो वेयावच्चम्मि निच्चमुज्जुत्तो । सो देवसेण-समणो अजिस्सइ चक्विणो भोए ||३५८१।। सो जीवियावसाणे पाविस्सइ बंभलोय-इंदत्तं । देवी वि चंदकंता होही सामाणिओ तस्स ।।३५८२।।
Jain Education International
For Private & Personal Use Only
www.jainelibrary.org
