________________
सुमइनाह-चरियं
कीलावणं जोव्वणं ।
तणुते तुलियतवणेज्ज पुंज कंतीसु तह वि तरुणीसु । चक्खुं पि खिवइ न मुहा मुणि व्व निहिकुंडल - कुमारो ||३५५१ ।। सो बालकाल - परिसीलियं पि सयले कलाकलावम्मि । कुणमाणो अब्भासं मयणस्स न देइ अवयासं || ३५५२ ।। अन्या दिव्वाणुभावेण दिव्व- कन्नयं सुविणए दहूण तदणुरत्तो पत्तो रणरणयं न पावए कत्थ वि रई । मुणियमिणं पिउणा । पहाणरायकन्ना-पडिच्छंदाण आणयत्थं पेसिया सव्वत्थ पुरिसा । आणिऊण दंसिया तेहिं ते कुमारस्स । न जाओ कत्थ वि सुविण-दिड- कन्नगासंवाओ । कयाइ भवणुज्जाण कयलीवणे निसन्नरस कुमारस्स आगओ पुरिसो । पणमिऊण निविडो पुरओ, दंसिया अणेण चित्तवट्टिया । दिहं तत्थ कुमारेण सुविण - दिड- कन्नगाणुरूवं रूवं । भणियं च विम्हओफुल्ल-लोयणेण- अहो ! चित्तकला - कोसल्लं चित्तयरस्स, जेण सयल - भुवणच्छरियभुयं लिहियमेयं रूवं । पुरिसेण वुत्तं- कुमार !
―
चित्तयरस्स न किंचि विचित्तकरं चित्तकम्म- चउरतं । दहुम्मि पडिचच्छंदं सम्मं लिहियं न जेण इमं || ३५५३|| एकस्स पयावइणो वन्नसु विन्नाण कोसलं एत्थ । जेण पडिच्छंदयमंतरेण बाला विणिम्मविया ||३५५४ ||
४१७
कुमारेण वृत्तं कुविय सुरवइ- साव- पब्भट्ठ किं अच्छर ? किं खयर गलियविज्न गयणाओ निवडिय ? पायालह नीहरिय नागकन्न किं नाग - विनडिय ?
Jain Education International
मह आगरसइ एह मणु तं लोहु व अयकंतु ।
अवर - रमणि पवर विनिइवि जं किल आसि पसंतु ।। ३५५५ ।। ता भद्द ! कहेसु का एस ? त्ति ।
पुरिसेण वृत्तं कुमार ! सुण, महाराय समरसीहाएसेण रायधूयाए पडिच्छंदाणयणत्थं गओ अहं कुणाल-विसए सावत्थीए नयरीए । तत्थ अरिचक्क चडयसेणी हरिसेणो राया, तस्स कणय-कमणिज्ज-काय-कंती कंतिमई कंता । ताणं धूया पुरंदरजसा । सा य अहिगय-कलाकलावा पत्त - जोव्वणा । जणाओ कुमार । तुह कित्तिं सोऊण पुरिसंतरस्स नाम
For Private & Personal Use Only
www.jainelibrary.org
