________________
४१६
सिरिसोमप्पहसूरि-विरइयं केरल-कलिंग-कुंतल-तिलंग-कन्नाड-लाड-भोडेसु । बंगंग-मगह-मालव-मरहट्ठ-सुरह-गउडेसु ||३५४३।। अन्नेसु वि विविहेसुं देसेसु सुहावहो विहरमाणो । केसिं पि सव्वविरई निहि व्व रयणासयं दितो ||३५४४|| पंचाणव्वय-साहं गण-सिक्खा-कुसुमममल-मोक्ख-फलं । केसि पि देसविरई कप्पलयं पि समप्पंतो ||३५४५।। पायडिय-विसुद्ध-पहं दुरंत-दोगच्च-दुक्ख-निद्दलणं । केसि पि महारयणं वियरमाणो य सम्मत्तं ।।३५४६।। इय भविय-समूहं धम्ममग्गे ठवंतो, तियस-कय-पसंसो संसउच्छेयच्छेओ । कुसमय-परचक्वं अक्वमंतो कमेणं, गमइ सुमइनाहो वास-लक्खे बहूए ।।३५४७।। अह अत्थि एत्थ भरहे कोसलदेसम्मि कुसलकोसम्मि । साकेयं नाम पुरं रिद्धीए पुरंदरपुरं व ।।३५४८11 तत्थ समरसीहो राया । समरम्मि जो समग्गे विवक्ख-वग्गे पलायमाणम्मि । संमुहमप्पाणं चिय पेक्खइ करवाल-संकंतं ।।३५४१|| तस्स दमयंती देवीपसुवइणो सुर-सरि-जल-संसित्तो भाल-नयण-सिहि-तत्तो | जल-जलण-वयं कुणइ व्व ससहरो जीए मुह-विजिओ ||३५५०।। तस्स रनो तीए सह विसय-सुहं सेवंतस्स वच्चंति वासरा । अन्नया देवीए सुहपसुत्ताए सुविणए किरण-कलाव-कवलिय-तिमिर-मंडलं दिलं मणि-कुंडलं, पडिबुद्धाए साहियं रनो । तेण वुत्तं- देवि ! मणि-कुंडलं व महि-महिला-मंडलं पुत्तो ते भविस्सइ । तीए वि देव-गुरुप्पसारण एवं होउ त्ति बहुमन्नियं रन्नो वयणं । पाउब्भूओ गब्भो । समए य देहप्पहा-पूरेण तिमिर-दारओ जाओ तीए दारओ । इमस्स नालनिक्खिवणत्थं खणिज्जंते खोणीयले निग्ग ओ महग्य-रयण-संगओ निही । सुविणय-निहि-लाभाणुसारेण कयं से निहिकुंडलो त्ति नामं । वडिओ सो देहोवचएण कलाकलावेण य, पत्तो तरुणी-नयण-कुरंग
Jain Education International
For Private & Personal Use Only
www.jainelibrary.org
