________________
दसमो पत्थावो
एवं अहारस-पय-मयं मोक्ख-सोवाण-पंति, मोक्खत्थीणं कुणइ चमरो देसणं जाव सम्मं । पत्तो सूरो पडिहय-तमो ताव वोमस्स मज्झं,
को मज्ात्थो नहवइ जए तारिसे देसगम्मि ? ||३५४१|| पुनाए य बीय पोरिसीए विरए धम्म-कहणाओ चमर- गणहरे सुराऽसुरा गया नंदीसरं । तत्थ सासय-जिण-पडिमाणं महिमं काऊण पत्ता सदाणं । भयवं पि आगासगएणं पूरओ चक्कमंतेणं धम्मचक्वेणं, आगासगएणं धवलायवत्तेणं, आगासगएणं फलिहमरणं सपायवीढेणं सिंहासणेणं, आगासगएहिं सेय-वर-चामरे हिं, अणेग-सुर-कोडिसमुक्खित्तेणं पुरओ पयट्टेणं पवण-पणच्चंत-महापडाएणं पडाईयासहस्स-परियरिएणं रयणज्झएणं बह-समण-समणी-संघेण चंदो व्व नक्खत्त-ताराचक्वेण परिवुडो विहरिओ तओ ठाणाओ | विहरंतस्स य तस्स बहुमाणेण व नमति मग्ग-पायवा । अंतरंग-कं ट यसमच्छेयच्छेयस्स भयवओ भएण व अहोमहा चिठंति कंटया | सगुणसिरोमणिणो सामिणो सेवय व्व पयाहिणा संपज्जति सउणा | कंदप्पपरिपंथिणो पहुणो सयल-काल-कय-कंदप्प-साहेज्जा वराह-विहुर व्व सेवत्थं निय-निय-समय-समुब्भव-पुप्फ-फल-पाहुड-पयाण-पुव्वं जुगवं पि उवहिया उउणो । तिजय-रक्खणुज्जयस्स जय-गुरुणो पुव्वकय-तिजग-जगडण-दोस-खामणत्थं व अणुकूलत्तणं पवन्ना सद्दरूव-गंध-रस-फासा । परमेसरस्स सुरहि-वयण-परिमल-लुद्धो व धावए पिडओ पवणो । अणहवुहि-संगयस्स अबालभावस्स य भयवओ जुत्तं चेव न वहति नहा वाला य । गंधसिंधुरस्स व गंधेण सेस-सिंधुरा नासंति अरहओ पभावेण ईइवेरामय(?) मारिय-वुहि-अइवुहिदुब्भिक्ख- डमर-पमुहा उवद्दवा । उच्चिह-सुरलोय-सुलहचिरंतणामयरस-पाण-लालसा जहन्न ओ वि कोडि-संखा समीवं न मेल्लंति अमयभोइणो ।
इय चउतीसाए अइसएहिं सहिओ हिओवएसपरो । पर-उवयार-विहाणेण जंगमो कप्परुक्खो व्व ।।३५४२।।
For Private & Personal Use Only
Jain Education International
www.jainelibrary.org
