________________
४७०
सिरिसोमप्पहसूरि-विरइयं मुणि-दंसणि तक्खणि गलिउ पावु तसु, मिहुणह मणि हुयउ सुह-भावु ||३२३३।। मुणिणा वि मुणिवि तं भत्तिमंतु, उवइहु पंच-परमेहि-मंतु । सो लग्गु पुलिंदय-मिहुण-चित्ति अमओ व्व पवंचिय-परम-तित्ति ||३२३४।। मुणिणा पुणो वि वुत्तं इमो त्तिकालं मणम्मि सरियव्वो । जेण चिरंतण-पावक्खएण पावेह कल्लाणं ||३२३५।। एयं सोऊण पुलिंद-मिहुणयं किंचि जाय-सुहभावं । पंच-परमिहि-मंतं सरइ ति-संझं सबहुमाणं ||३२३६|| तस्स प्पभावओ च्चिय पावमकाउं तहाविहं तिव्वं । कालेण मयं एयं मुणि-उवयारं सुमरमाणं ||३२३७|| इह चेव भरहवासे नयरं मणिमंदिरं पवरमत्थि । वित्थिन्ल-कूव-वावी-सरोवराराम-रमणिज्जं ।।३२३८।। जत्थत्थि जणो वसणी दाणे भीरू अकज्ज-करणम्मि । गुण-विढवणे अतित्तो निम्मल-जस-अज्जणे लुद्धो ।।३२३१|| पर-पत्थणे अयाणो परमहिला-दंसणम्मि जच्चंधो । परधण-हरणे पंगू परदोस-पयासणे मूओ !!३२४०।। तं परिपालइ राया रायमयंको मयंक-समकित्ती । सरभस-नमंत-पत्थिव-मत्थय-मणि-लीढ-पयवीढो ||३२४१।। पल्लविय व्व असिलया अरि-करि-कुंभत्थलीण रुहिरेण । मुत्तिय-नियरेणं कुसुमिय व्व रेहइ रणे जस्स ।।३२४२।। विजय त्ति तस्स भज्जा जीए हसंतीए उणयमुहीए । दुगुणेइ दंत-कंती थणवढे हारलट्ठीओ ||३२४३।। तीए गब्भे गिरिकंदरे व्व सीहो पुलिंद-जीवो सो । सीहसुविणय-पयासिय-गुणमाहप्पो समुप्पलो ||३२४४|| जायरस तस्स विहियं वद्धावणयं महाविभूईए । नामं च कयं सुविणाणुसारओ रायसीहो त्ति ||३२४५।।
Jain Education International
For Private & Personal Use Only
www.jainelibrary.org
