________________
४६१
सुमइनाह-चरियं
तत्तो सूरी संजम-विराहणं पिच्छिऊण मग्गम्मि । मग्गइ वसहिं गामम्मि तम्मि गामाहिव-सगासे ||३२२२।। गामवई जंपइ- साहु वसहि-दाणम्मेि किं फलं होइ ? । वागरइ गुरु- गख्यं दाणाणमिणं वसहि-दाणं ||३२२३|| जओअसणाइ देइ बहुओ मुणीण गेहंगणम्मि पत्ताणं । अंगीकय-सयलभरो वसहिं पुण वियरए विरलो ||३२२४।। तक्कर-सीयायव-वाय-वुहि-रोगाइ-विद्दवेहिं तो । साहूण कुणइ रक्खं वसहिं निरुवद्दवं दितो ॥३२२५।। जं तत्थ ठिया मुणिणो पढंति सुत्तं कुणंति धम्मकहं । संजमजोगेहिं निरंतरेहिं साहंति परलोयं ||३२२६।। जं तत्थ मुणि-समीवे संमत्तं सावगत्तणं चरणं । अन्नं अभिग्गहं वा भवियगणो गिहए गरुयं ||३२२७।। जं तत्थ ठियाणं मुणिवराण अन्ने वि भावओ भविया । पत्तं भत्तं पाणं वत्थं तह ओसहं दिति ॥३२२८॥ पुन्नस्स तस्स हेऊ सेज्जाए दाइगो इमेण इमो । संसार-सायरं तरइ तेण सिज्जायरो वुत्तो ||३२२१।। एवं सोउं गामाहिवेण वसही समप्पिया गुरुणो । बहु-साहु-जुओ सो तत्थ पाउसं काउमाढत्तो ||३२३०।। मासोववासु केवि मुणि कुणंति, केवि दल्लिमास निरसणं गर्मति । केवि तिनि केवि चत्तारि मास, चिटंति विसय-सुह-निप्पिवास ||३२३१|| तह मज्झि साहु दमसार-नामु, गिरि-गुहहिं जाइ परिहरिवि गामु । चउमासं तहिं ठिओ असण-मुक्कु, सज्झायज्झाणपरु गुह-निलुक्कु ||३२३२|| अह तत्थ पुलिंदय-मिहुण पत्तु, तिण दिइ साहु सो पवरसत्तु ।
Jain Education International
For Private & Personal Use Only
www.jainelibrary.org
