________________
४६३
सुमहनाह-चरियं
राया ललियादेवी य दोवि संजमभरं पवन्नाइं । सो हं मयंकसेणो संसार-विरत्त-चित्तो वि ||३१८ ।। चिहामि अमरसेणस्स भाउणो नेह-निगडिओ गेहे । अन्न-दियहम्मि रना महानिहाणं सुयं तत्थ ||३११०।। तेण खणावियमेयं न य लद्धं दूमिओ मणे एसो । पडहं पुरे दवावेइ लेउ जो सक्वए को वि ||३१११।। तस्सेव निहाणमिणं ति तो मए राइणो अभिप्पायं ।
सविसायमसत्तीए इणमाणत्तं ति नाऊण ||३११२।। ता गिहिऊण उवणेमि एयमेयस्स त्ति पारद्धो उवाओ । खित्ता संखणगा तेसिं ठाणेण । महातिल्ल-दीवग-पडणेण य लद्धं निहाणं । मए उवणीयं रन्नो । न गहियं अणेण, तुज्झ चेव एयं ति जंपियं सासूयं, न लक्खिओ मए भावो । पसाओ त्ति दिन्नं तं दीणाईण । कुविओ राया चित्तेण | जाया ममोवरि वावायणिच्छा । लक्खिया मे परियणेण | निवेइया हियबुद्धीए । न सद्दहियं मए | पेसिओ अह आडविगस्स दुग्गरलो उवरि विक्खेवेण भणिओ महंतगेहिं पसत्ते वावायणप्पओगो अवहीरियं तं मए, गओ दग्गरनो उवरि वसीकओ मए । आगच्छंतेण गिरिगुहाए दिहो केवलि-रिसी । सुओ तदंतिगे धम्मो | अइसय-नाणि त्ति पच्छिओ रिसी-भयवं ! ममं पइ रनो मारणाभिलासो त्ति किं सच्चं ? रिसिणा वुत्तं-सच्चं । संविग्गो अहं चित्तेण । न जाओ तद्वरि कोवो | पुच्छिओ पुणो वि रिसी- भयवं ! किमित्थ कारणं न मे पओसो एयम्मि ? संपयं पि गुरु-भत्ती चेव । रिसिणा वुत्तं- लोभाणुबंधो एयरस कारणं, तुज्झ उण निल्लोभस्स एयम्मि भत्ती चेव । तहा हि___अस्थि अत्थि-जण-सुलह-समग्गाहारो अणिंदिय-दियवग्गाहारो महुसित्थं नाम अग्गाहारो । तत्थ तुब्भे खंदिल-सोमिला नाम सहोदरभाउणो वेयपाढिणो दरिद्दा य निव्वेएण गया उत्तरावहं, चउब्वेय त्ति तत्थ पूइया जणेणं । पयहा निय-देसमागंतुं । तद्द०व-लोभेण विणह खंदिलस्स चित्तं । चिंतियमणेण-'वावाएमि सोमिलं, गिण्हेमि केवलो दव्वं ।' तओ गिलाणस्स ते पिज्जाए छुढं घयं, वाउजरो त्ति जाओ तुमं तेण पउणो मओ य । एसो पहे पुरओ पयट्टो पडिऊण "तण-छिन्नरुवे कूवे पाव-परिणामेण समुप्पन्नो रयणप्पहाए । इमं च दहूण वेरग्गिओ
For Private & Personal Use Only
Jain Education International
www.jainelibrary.org
