________________
૪૬૨
सिरिसोमप्पहसूरि - विरइयं तरुणो तले । सूर-कय-कणय-कमल- निविडो मालिगेण समं पुत्तेहि गओ तस्संतियं एसो, वंदिऊण केवलिं निसन्नो पुरओ चिंतिउं पवत्तो यअहो ! भयवओ निरुवम रूवसंपया । अहो ! सव्व-लक्खणालंकिया कायलच्छी । अहो ! पसम पीऊस पर पेसला दिट्ठी । अहो ! कायर
नरुक्कंपकारओ दुक्कर - किरिया -कलाव करण-परक्कमो । अहो ! सयलसत्त-साहारणं धम्म वागरणं । तः विसाल-भूवाल-कुल- संभवेण भवियव्वं भयवयं ति । भणियं अणेण भयवं ! सामन्नेणावगओ निगुणो एस संसारो । जं तुब्भे मुत्तूण इमं सयल तइलोक्कालंकारकप्पा कुसुमाउह - महाराय - लीलावणे नव जोव्वणे वि पवन्ना दुरणुचरं चारित्तभरं विसेसओ पुण किं निव्वेय कारणं ? ति । गुरुणा वागरियं - भद्द ! संसारम्मि निव्वेय कारणं पुच्छसि । जओ
3
-
-
दव - दहण - पलित्ते काणणे व् भवणे व सप्प-सय- किन्ने । संसारे दुक्ख - सहस्स - संकुले को न निव्विन्नो ? ||३१८१|| जम्म-जराऽऽमय-मरण-प्पमुहेहिं दुहेहिं विद्दविज्जति । जत्थ जणा तम्मि भवे कस्स सयन्नस्स रमइ मई ? || ३१८२|| तो मालिगेण भणियं जइ वि हु एवं तहावि पाएण । न विसेस - कारणेणं विणा इमं वज्जए को वि ? || ३१८३||
गुरुणा भणियं - जइ इत्तिओ महाभाग तुज्झ निब्बंधो । तो तं पि समासेणं कहिज्जमाणं निसामेसु || ३१८४ | ! तहाहि -:
Jain Education International
समतड-विस वसुहा-वहुए विउले नडालपट्टे व । पट्टिक्रं पुरमत्थि टिक्कगं पिव सुवन्न- जुयं ||३१८५|| तत्थत्थि सूरसेणी राया सूरो व्व पसरिय-पयावो । संवरइ अणह - मग्गे जं एसो तं महच्छरियं ||३१८६|| तस्सत्थि पिया ललिया जीसे नयणेहि निज्जियाइं व । कमलाणि मयकुलाणि य निच्चं सेवंति वणवासं ||३१८७|| दुनि सुया जाया ताण अमरसेणो मयंकसेणी य । अह संविग्गमणाइं ठविउं रज्जे अमरसेणं ||३१८८||
For Private & Personal Use Only
www.jainelibrary.org
