Page Text
________________
सुमइनाह-चरियं
४६१
1
कच्चोलं समप्पियं असुरेण । चिंतियं अणेण वीसासेमि ताव एवं कच्चील - समप्पणेणं जेण एसो वि मे निय-कच्चोलं समप्पेइ । तओ घेत्तूण वावाइ (य) स्सं सुरं ति । एवं दूसिय चित्ता गया दुवे वि आरामं । न जाओ वावाइणप्पओगो । जंपियं असुरेण भुंजामो त्ति । न एत्थ अन्नो उवाओ ता इमं एत्थ पत्तकालं ति भणियं सुरेण- अरे ! भुत्तमम्हेहिं मदीए कच्चोले अन्नं चेव हेडओ ता तुमं पि निरूवेहि । निरूवियं हरिसिएण असुरेण, दिहाणि रयणाणि, गहिओ अहियं संकिलेसेण । दूसियचित्तेहिं चेव अन्नोन्न-वावायण-निमित्तं मायाए आलोचियमिमेहिं एत्थेव निहाणीकरेमि ताव इमाणि कच्चीलाणि रयणाणि य तओ जहाजुत्तं अणुचिस्सिम्ह एवं ति अणुचिडियमिमेहिं निरूवंति अन्नोन्नं वावायणप्पगारे |
1
Jain Education International
-
अन्नया हिंडमाणा गया अंधकूव-समीवं । तं पलोयंतो पेल्लिओ सुरेण असुरो, पडिओ असुरो, घेत्तूण सुरं, मया दुवे वि अट्टज्झाणेण समुप्पन्ना एत्थेव सप्पा, परिग्गहियं ओहसन्नाए दुवेहिं पि दव्वं, रमंति तत्थुसे धिईए | अन्नया जायं परोप्परं दंसणं । कुविया लोह - सन्नाए । महा- कलहेण वावन्ना परोप्परं, उप्पन्ना तत्थेव मूसगा । परिग्गहियं ओह-सन्नाए दुवेहिं पि दव्वं । अभिरमइ तत्थ दुण्हं पि । कालेण जायं दंसणं । मोह - वासणाए कलहिऊण परोप्परं विवन्ना, जाया तस्सासन्न - पुक्खरिणीए मंडुक्का । तओ सन्नाए रमंति निहाण-देसे, अन्नया जायं दुहं [ ओह - ] पि दंसणं, पुव्व वासणाए रुट्ठा परोप्परं, कलहिऊण मया, सम्मोहेण जाया तदासन्ने संखणगा, ओह सन्नाए समागया दव्व-देसं, चिट्ठेति सुहेण । कयाइ मिलिया कुद्धा, ओह-सन्नाए मया, कायपीडाए उववन्ना तदासन्ने कुंथुगा, तहेव समागया दव्व देसं । इच्चाइ समाणं " पुव्वेण, नवरं उववन्ना तत्थेव कोल्लुगा । ते वि एवं चेव मया । नवरं उपपन्ना एए तत्थेव पउमाछोडा, ओह सन्नाए ओइण्णा दोन्हं पि पायसा । अन्नया अणाभोगेण उक्खया मालिगेण मया अहाऊंयक्खएण, उववन्ना तस्सेव पुत्ता जाया । कालक्कमेणं पत्ता वय विसेसं समागच्छंति आरामं, तूसंति निहाणुद्देसे, तद्देसकए कलहंति परोप्परं, न विरमंति पिइवयणेणावि । एवमइक्कंतो कोइ कालो | अन्नया समागओ तत्थ मयंकसेणो नाम केवली रायरिसि कुमरो, ठिओ तदारामभूसणस्स बउल
-
For Private & Personal Use Only
www.jainelibrary.org
-
-
-
,
| SR No. | 001386 |
| Book Title | Sumainahchariyam |
| Original Sutra Author | Somprabhacharya |
| Author | Ramniklal M Shah, Nagin J Shah |
| Publisher | Prakrit Text Society Ahmedabad |
| Publication Year | 2004 |
| Total Pages | 540 |
| Language | Prakrit |
| Classification | Book_Devnagari, Literature, & Story |
| File Size | 8 MB |