________________
सुमइनाह-चरियं अहाऊयकालो तओ चविऊण वीरसेण-जीओ जाओ तुमं राया, सारसिगा-जीवो वि किराएसर-- धूया गुंजावली, कुरव-जीवो वि जयमंगलो हत्थी । ता एवं गुंजावलीए नेहाणुबंधो । इयरस्स वि मायाए ओघसन्ना एत्थ कारणं ।
जं कालसेण-जम्मे हढेण हरिऊण संकरि घरणिं । नरवर ! तुमए खित्तो विओग-दुक्खम्मि कालमुहो ।।३१६०।। तं दोसु भवेसु तए वि पावियं पिययमा-विरह-दुक्खं । जं कीरइ सुहमसुहं व तरस लब्भइ फलं नूणं ||३१६१|| जं च तुमं पुव्वं वंचिऊण कुरवेण भक्खियं दव्वं । तेणेस वाहणं तुह जाओ जयमंगलो हत्थी ||३१६२|| इय सोउं संविग्गो राया बडुगो य जंपियं रब्ला । भयवं ! किमित्थ जुत्तं ? अह जंपइ चंदणायरिओ ||३१६३।। कहिऊण पुव्व-वइयरमेसिं कुसलप्पवत्तणं कुणसु । एवं ति जंपिउणं गुरु-भणियमणुहियं रन्ना ||३१६४।। एत्थंतरम्मि जायं जाईसरणं इमस्स बडुगस्स । सो संविग्गो नमिउं निय-वुत्तंतं कहइ गुरुणो ||३१६५।। गुरुणा वुत्तं-जाणामि अहमिणं, आगओ अओ चेव । तुज्झ पडिबोहणत्थं तं सोउं विम्हिओ राया ||३१६६।। पडिबुद्धो बडुगो वि हु जंपइ- भयवं ! किमित्थ मह जुत्तं ? | भणइ गुरू- माया-निग्गहेण जिण-धम्म-पडिवत्ती ।।३१६७।। एवं ति अब्भुवगयं इमिणा तो सावगत्तणं गहियं । तं पालिऊण विहिणा मरिउं सोहम्ममणुपत्तो ||३१६८।। तत्तो चविओ लहिउं सुनरत्तं नियडि-निग्गह-पहाणो । काऊण वयं कम्मक्खएण मोक्खं गओ एसो ||३१६१।। इय कोह-माण-माया-रहिओ वि ह जइ न वज्जए लोहं । लोहं व जले जीवो तो बुड्डुइ दुत्तरम्मि भवे ||३१७०।। दन्नय-फारफणेणं विवेय-जीविय-विणास-दक्खेणं । लोह-भुयगेण डक्का न मुणंति हियाहियं जीवा ||३१७१।।
Jain Education International
For Private & Personal Use Only
www.jainelibrary.org
