________________
४५८
सिरिसोमप्पहसूरि- विरइयं
एगपय-बद्धराओ सव्वत्थ वि कुणइ पाडिसिद्धिं जो । तं हियइ सल्लभूयं माणधणा पेक्खिउं न खमा ||३१५८ ||
तेण भणिओ मोरुओ जहा पल्लीवइस्स पुरओ अहं इमं भणिरसं जहेस चंडिगो तुह वेरिणा सह संबंधं करेइ । इत्थत्थे तए सखेज (साहेज्जं ) कायव्वं । मोरुएणावि सच्चवाइत्तणेण न पडिवन्नं तं । तओ कुविएण चंडीसरेण उद्दालिया निय- दुहिया हंसिया । मोरुओ वि तव्विरहे महंतं संतावमावन्नो मरिऊण समुप्पन्नो एगसिंग - गिरि-समीवे पाणइज्ज -पल्लीए दंगिक-सुओ वीरसेणो नाम । हंसिया वि तहा मोरुयस्स मरणं सोऊण उब्बंधणेण मया समाणी समुप्पन्ना अन्नदंगिक - दुहिया सारसिंगा नाम, पिउणा दिन्ना धाडिगाभिहाणस्स पिउच्छासुयस्स । कयाइ दिडो इमीए वीरसेणो । पुव्वभवब्भासेण" जायाणुरागा धाडिगं मोत्तूण पविडा वीरसेण घरे । वीरसेणस्स य मित्तो कुरवो नाम । सो मायावी अणुज्जुओ उजुयं वीरसेणं अइसंधइ तेहिं तेहिं प्पगारेहिं ।
अन्नया सारसिगाए समं गहण - पव्वे पहाणत्थं गओ तित्थं वीरसेणो । आगच्छंतस्स उडिओ सीहो, वावाईओ सो तेण । तओ छुरिय उप्पाडिऊण ठिओ सारसिगाए पुरो, भणिया य एसा - 'वावाएमि तुमं जइ कस्सइ अग्गओ बोल्लिहिसि एयं सिंह - विणास - वईयरं । तीए भणियं'न बोल्लेरसं' | चिंतियं अणाए अहो ! महाणुभावो एसो । अन्नया हण हरिया सा, धाडिगेण कयं वद्धावणयं । भज्जा आणीय त्ति प्रवत्तमावाणगं । फुरंतो धाडिगेण दूरओ कंडेण भिन्नो मूसगो । तओ तं घेत्तूण नच्चिरं पवत्तो दंसेइ सारसिगाइ, चिंतियं अणाए- अहो पुरिसाणमंतरं ।
एगे सिंहं पि विणासिऊण निय-पोरिसेण लज्जंति । अवरे हणिउं पुण मूसगं पि हरिसेण नच्चंति ||३१५१||
विरत्ता धाडिगस्स । हढेण घेप्पमाणी तेण तदत्थं जलणं साहिऊण मया सारसिंगा उववन्ना वंतरेसु । सुयमिणं वीरसेणेण । तओ घेत्तूण तीए अडिगाई गओ गंगं वीरसेणो, जायं तत्थ साहु-दंसणं, अणुसासिओ तेणेसो । अहाऊयक्खएण मओ गंगातीर उववन्नो वंतरेसु । कुरवो वि कुडवाहिघत्थी जलणं पविसिऊण मओ समुप्पन्नी वंतरेसु । पालिउं
For Private & Personal Use Only
www.jainelibrary.org
Jain Education International
