________________
४४३
सुमइनाह-चरियं
कहं कुमरो एगागी वि निग्गओ एरिसिं सिरि पत्तो । अहवा पुव्व-भवज्जिय-सुकयाणं कित्तियं एयं ? ||३०५१।। जम्मंतर-समुवज्जिय-पुन्न-गुणागरिसिया खणं लच्छी । भवणे वणे विदेसे न मुयइ पहिं सुपुरिसाण ||३०५२|| एयाउ सउन्नाओ पत्ताउ जाउ कुमर-घरिणितं । दिणयर-समागमे कमलिणीउ पावंति परभागं ||३०५३।। कुमरो वि कयत्थो च्चिय इमाउ जायाओ जस्स जायाओ । मुत्ताहि परिगओ जह सहइ मणी केवलो न तहा ॥३०५४।। एवं सलहिज्जंतो पत्तो कुमरो घरम्मि मिलिओ य । हरिसिय-मणेण सयणाण कमलिणीदेवि-पमुहाण ||३०५५।। पियराण कहियमेयं भमिओ हं देस-दसण-निमित्तं । जं च तहिं अणुभूयं कुमरेण निवेइयं तं पि ||३०५६।। इय तोसिय-सयल-जणो कुमरो चिहइ पगिह-विसय-सुहं । भुंजंतो ताहिं समं ससिलेहा-पमुह-भज्जाहिं ।।३०५७।। इअ बहु-कालम्मि गए उज्जाणे तुरय-वाहणं काउं । निवइ-कुमराण सहयार-तरुतले वीसमंताण ||३०५८।। दुंदुहि-झुणी पयट्टो सुयंधि-सिसिरो पवाइओ पवणो । गंधोदएण सित्ता भूमी खित्ताई कुसुमाइं ।।३०५१।। विहियं सुवन्न-कमलं तो सुर-नर-निवह-नमिय-कम-कमलो । कल्लाणकोस-नामो उवविहो केवली तत्थ ||३०६०।। नाउमिणं निव-कुमरा गंतुं हरिसभर-निब्भरा तत्तो । तं पणमिउं निसन्ना अन्ने य नरामरा बहवे ||३०६१।। तो केवलिणा सिय-दंतपंति-किरिणोह-दलिय-तिमिरेण । पारद्धा धम्म-कहा संसार-विराय-संजणणी ||३०६२।। भो भो भव्वा ! संसार-सायरे दुक्ख-सलिल-संपुल्ने । जम्म-जरा-मरण-समुल्लसंत-कल्लोल-लल्लक्के ||३०६३।। कोह-वडवग्गि-दग्गे मोह-महावत्त-भीसण-सरुवे । माण-गिरि-दुग्गमम्मी घण-माया-वल्लि-दुल्लंघे ||३०६४||
For Private & Personal Use Only
Jain Education International
www.jainelibrary.org
