________________
४४४
सिरिसोमप्पहसूरि-विरइयं धण-मुच्छ-मच्छरिंछोलिच्छाईए पावपंक-पडिहत्थे ।४४ राग-महोरग-रुद्धे विविहामय-मयर-दुप्पेच्छे ||३०६५।। अणवरय-पडंत-महंत-आवया-सयसहस्स-संकिने । दुद्धर-विसय-पिवासुच्छलंत-वेला-पसर-विसमे ।।३०६६।। किच्छेण परिभमंता धम्म लळूण जाणवत्तं व । आयरह किन्न तुब्भे जेण लहुं लहह सिव-पासं ||३०६७|| "एयं सोउं संविग्गमाणसो नरवरो भणइ कुमरं । पुव्वं पि याऽऽसि भवचारयाउ चित्तं विरत्तं मे ||३०६८।। संपइ केवलिणो पुण वयणं सोउं दढं अहं मन्ने । पासं व गेहवासं विसं व विसमं विसय-सोक्खं ||३०६१।। रज्जं गलरज्जुं पिव बंधं पिव निद्ध-बंधु-संबंधं । ता कुणसु तुमं रज्जं अहं तु दिक्खं गहिस्सामि ||३०७०।। कुमरेण तओ वुत्तं-ताय ! विरत्तो अहं पि गिहिस्सं । दिक्खं गुरु-पय-मूले पालसु रज्जं तुमं चेव ||३०७१।। रना भणियं- पढमं वय-गहणं काउमुचियमम्हाणं । पच्छा तुमं पि कुज्जा कुमर ! तुमं को निवारेही ? ||३०७२।। धम्मो वि कीरमाणो कमेण सोहं समुव्वहइ लोए । कुमरेण तो पलत्तं- सुह तए जंपियं ताय ! ||३०७३|| किंतुपिउणा अकए धम्मे कुणइ सुओ तं न नत्थि इय नियमो । लग्गे पलीवणे किं पलायमाणाण को वि कमो ? ||३०७४|| ता पसिऊण विसज्जसु ताय ! ममं संजमग्गहण-हेउं । तो गहिऊण भुयाए रन्ला भणिओ इमं कुमरो ||३०७५।। वच्छ ! परिणय-वओ हं वय-गहणे होसु तं मह सहाओ । दुप्पडियारा पिउणो त्ति एयमत्थं जइ मुणेसि ||३०७६|| रज्जभर-समुव्वहणे नत्थि समत्थो तुमं विणा अन्नो । कह मुच्चंति पयाओ कमागयाओ अणाहाओ ? ||३०७७।।
Jain Education International
For Private & Personal Use Only
www.jainelibrary.org
