________________
४४२
सिरिसोमप्पहसूरि-विरइयं तं नत्थि किं पि ठाणं जए गवेसाविओ न जत्थ तुमं । निय-पुरिसे पेसेउं तह वि पउत्ती न तुह पत्ता ||३०३८।। संपइ सागरदत्तेण सत्थवाहेण एय नयरीए । पत्तेण तत्थ कहिया तुज्झ पउत्ती इमा सव्वा ||३०३१।। तो तुज्झा आणणत्थं कुमर ! अहं पेसिओ नरिंदेण । ता काऊण पसायं तत्थ पहुच्चह "लहुं तुब्भे ||३०४०।। अह कइवय-दिवसब्भंतरम्मि पत्तो सि तत्थ जइ न तुमं । ता मन्ने जीवंते अम्मा-पिउणो न पेच्छिहसि ||३०४१।। एवं सोउं वज्जाहउ व्व विमणो विचिंतए कुमरो । पेच्छ मए केरिसयं सुक्खं जणयाण संजणियं ||३०४२|| जइ जीवियं पि दिज्जइ पच्चुवयारो न जाण तह वि भवे । ताण पियराण दुक्खं मए कयं ही ! अपरिमाणं ||३०४३|| एवं विचिंतिऊणं भूयाए घेत्तूण कुसलमइ-दूयं । पत्तो झत्ति कुमारो महसेण-नरिंद-पाासम्मि ||३०४४|| कहियं च सव्वमेयं सो पुरिसो दंसिओ य पच्चक्खं । ता नाउमुचिय-समयं काऊण महंत-सम्माणं ||३०४५।। कणगप्पभा-समेओ अणेग-करि-तुरय-रहप्पयाइ-जुओ । अइ-नेह-निब्भरेण वि विसजिओ राइणा कुमरो ||३०४६।। पइदियह-पयाणेहिं कुमरो निय-नयर-पासमणुपत्तो । कुसलमइणा वि पुरओ गंतुं वद्धाविओ राया ||३०४७।। तो हरिस-वियसियच्छो सव्व-समिद्धीए निग्गओभिमुहो । चउ-पणइणी-समेओ पणओ कुमरो नरिंदरस ||३०४८।। आलिंगिऊण रना तत्तो आणंद-निब्भर-मणेण ४२ आरोविओ गइंदे कुमरो सहिओ पणइणीहिं ||३०४१।। सिर-धरिय-धवल-छत्तो ढलंत-सिर-चारु-चामरुप्पीलो । नयरीए पविसंतो पियाहिं सह गयवरारुढो ||३०५०।। सलहिज्जंतो नायर-जणेण सो विविह-वयणेहिं । तं जहा
Jain Education International
For Private & Personal Use Only
www.jainelibrary.org
