________________
४३१
सुमइनाह-चरियं
पत्थिज्जती वि महानरिंद-तणएहिं गुण-महग्घेहिं । निप्पडिम-देहसुंदेर-दलिय-कंदप्प-दप्पेहिं ||३०१३।। तप्परिनयण-निमित्तं जणणीहिं सहीहिं परियणेणं च । देवस्साएसेणं बहुयं पि भणिज्जमाणा वि ||३०१४|| मोत्तूण जं सरि मह जलणो चेव लग्गइ न अल्लो । इय निच्छियं विहेउं एत्तिय-कालं ठिया कुमरी ||३०१५|| "एयं च निच्छयं जाणिऊण कणगप्पभाइ देवेण । जस्स गवेसण-हेउं चउद्दिसं पेसिया पुरिसा ||३०१६।। संपइ सयमेव समागओ इहं अज्ज दिव्व-जोएण । एसो सो रायसुओ, जं जुत्तं तं कुणउ देवो ||३०१७।। एक्वं अहियं पि कपिजलाए परिओस-निब्भरो राया । जंपइ "कविंजले साहु साहु तुमए इमं कहियं ||३०१८।। जओजं सिरि-सूर-नरिंदस्स परम-मित्तस्स निद्धचित्तस्स । पुत्तो समागओ इह अम्हेहिं न याणिओ पुव्विं ||३०११।। तं पि मणे अम्हाणं अज्जवि सल्लं व सल्लए बाढं । जं च करि-संभमाओ विमोइयाऽणेण मह धूया ||३०२०।। तस्स सुकयस्स उचियं अम्हेहिं न किंचि जं कयमिमस्स । तं सामनजणाण वि मग्गेण न वट्टिया अम्हे ||३०२१|| अणुवकए वि परेसिं कुव्वंति उवयारमुत्तमा लोए ।
उवयारे उवयारो चरियमिणं पागयजणस्स ||३०२२|| तं पि पमाय-परव्वस-माणसेहिं अम्हेहिं नायरियं ति । अहो ! अकयनुत्तणं । कुमरेण वुत्तं-देव ! तुम्हाण व तुमेयं न जुज्जए || जओ
गरुयाण मणपसायं विओसमेत्तं ति गरुय-सम्माणं । दाणाइ-पयारेण उ रंजिज्जइ पागओ लोओ ||३०२३।। सुद्धाण सुद्ध-भावो सुद्धस्स परस्स कुणइ परिओसं | चंदम्मि अदितम्मि वि दिहे वियसंति कुमुयाइं ॥३०२४।।
Jain Education International
For Private & Personal Use Only
www.jainelibrary.org
