________________
४३८
सिरिसोमप्पहसूरि-विरइयं किमेयं ? ति । तेण वुत्तं-देव ! मह धूया मणिप्पभा एसा सप्पेण डक्का पच्चक्खाया सव्व-गारुडि एहिं मय त्ति नीया मसाणे, जीवाविया इमिणा महासत्तेण । परमोवयारि त्ति परिणाविओ एसो मए महंतपत्थणाए एयं चेव धूयं । पुहा राइणा ससिलेहा । सा वि लज्जाभरोणयमुही जाव न किं पि जंपइ ताव भणियं माहवीए- महाराय ! एसा मह सामिणी महाराय-जणयसे ण-धूया, इमस्स भज्जा, इमिणा सद्धिं इहागया । ठिओ य एत्थ एसो कइवय-दिणाणि, गओ य पच्छा कहिं चि त्ति न नाओ । एय-विरहे य मह सामिणीए तं किंपि दुक्खमणुभूयं जं कहिउं पि न तीरइ । अज्ज पुण बहूय-कालाओ पुलोदएण एस दिहो । पुढा विज्जुलेहा । तीए वि लज्जावसेण सयं मोणमवलंबिऊण दिहिसन्नाए निउत्ता निउणिया । तीए जहा- वेयड्ड-पव्वए रयणसालनयर-सामिणो रयण-खेयरिंदरस" धूया इमा, जहा देवयाए कहिओ इमीए स वरो, जहा वाउवेगेण बंधुणा समं सुवेल-पव्वए संपत्ता, जहा समुहे तरंतो एस लद्धो, जहा इमिणा परिणीया इमा, जहा वाउवेगेण विमाणमारोविऊण कल्लं कुसुमागरुज्जाणे आणिऊण मुक्लाइं दोवि, जहा अकहिऊण गओ गवेसंतीए अज्ज दिहो तहा सव्वमावेइयं ।
तओ राया विम्हयरसावहिय-हियओ चिंतिउं पवत्तो- अहो ! एयरस अच्चब्भूयं चरियं | अहो ! अच्चंत-चारुत्तण-तणीकयाणंग-चंगिमा तणुलया । अहो ! अणन्नसरिसो पुन-पगरिसो, ता नणं इमिणा महासत्तेण केणावि महग्य-गुणमणि-महल्लवेश "विसालकुल-संभवेण होयव्वं ति चिंतयंतस्स रन्नो समीवमागया कविंजला, दिहो अणाए गणं धरो, पच्चभिजाणिऊण हरिसवस-विसहत-वयण-कमलाए भणियमणाए-देव ! सो एसो सूर-नरेसरस्स तणओ गुणधरो नाम नीसे स-कला-कुसलो सोहग्ग-महो अही धीरो जेण करि-संभममोयणाओ कुमरीए जीवियं दिन्नं । तं निक्कयत्थमिव हिययमप्पियं तीए व इमस्स ।
जम्मि सुहयम्मि कुमरी चिहइ अणुराय-निब्भरा निच्चं । सा जस्स चरिय-संकित्तणेण वोलेइ दियहाइं ||३०११|| जरस गुण-रयणनिहिणो विरह-हुयासेण पलित्त-सव्वंगी । जलण-पलित्ताई व दिसमुहाई मण्णइ मणे कुमरी ||३०१२||
For Private & Personal Use Only
Jain Education International
www.jainelibrary.org
