________________
सुमइनाह-चरियं
. निज्झरण-पसरंत-सीयरासार-सीय-सुरहि-पवण-पीणिज्ज माणसुरयविखन्न-किन्नरमिहुण-सणाह-काणणोवेओ वेयहो" नाम पव्वओ ।
दिवसम्मि पज्जलंतीहिं सूरिओवलसिलाहिं किर जत्थ ।
रतिं महोसहीहिं दीसइ दीवूसवो निच्चं ||११७।। तम्मि पइ-भवण-मज्झ - डज्झन्त-कालागरु-धूव-धूमंधयारेणाकाले वि कालब्भ-विब्भममुब्भावयंतं, नाणा-रयण-विणिम्मियपासाय-पंतिप्पहा-पूरेण सक्वचाव-चक्कवाल-संकुलं नहयलमुवदंसयंतं, गयण-मग्ग-वग्गंत-विज्जाहर-रमणि-माणिक्काभरण-संभारेण विज्जुपुंज-संभवं संभारयंतं रहनेउरचक्कवालं८ नाम नयरं । तत्थ पणमंतविज्जाहर-नरिंद-मउलिमालोवलीढ"-पायवीढो, दस-दिसावहू-विहूसणसमुज्जल-जसकुसुम-समूह-महारामो, पररामा-रमण-परम्मुहो महासत्तपत्तलीहो महिं दसीहो नाम विज्जाहर-चक्ववट्टी ।
बंधुं पि बंधणं पिव जो नाय-परम्मुहं परिच्चयइ ।
नय-तप्परं परं वि हु बहुमन्नइ निद्ध-बंधुं व ||११८|| तस्स मयरद्धय-महाराय-रायहाणी, अहरिय-रइ-रूव-सोहसोहग्ग-गुण-रयण-खाणी, कमल-कोमलारत्त-पाणी, महुमास-मत्तकोइलाराव-रमणिज्ज-वाणी, विणयप्पवित्ति-पणरमणि-रंगसाला रयणमाला' नाम देवी । तीए य राइणा सह विसयसुहमणुहवंतीए रयणचूड-मणिचूडाभिहाणा समुप्पन्ना दुवे पुत्ता | समए य कयकलागहणा साहिय-बहु-विज्जा, पत्ता कुसुमसर-पसर-लीलावणं जोव्वणं, काराविया विसुद्ध-वंस-समुप्पन्नाणं निरुवम-रूव-लावन्नाणं खयरराय-कन्नाणं करगहणं । तत्थ कुलहरं कलाकलावस्स, संकेयहाणं विसिह-चिहाणं ति मुणिऊण निवेसिओ विज्जाहरिंदेण जुवराय-पए रयणचूडो । मणिचूडो वि कुमारभावम्मि वदृमाणो अविवेय-वसविसप्पमाण-जोव्वण-वियारो नाणा-कीलाहिं कीलंतो कालं गमेइ ।
अन्नया पुव्वनिकाइयाऽसुहकम्मोदएण रयणमाला-देवीए समुप्पल्लो महाजरो, पणहा छुहा, उवहिया "सरीरम्मि दाह-वेयणा, नाऽऽगच्छइ खणं पि निद्दा, विद्दाणं वयण-कमलं । निजुंजिया तच्चिकिच्छाकए रण्णा बहवे" विज्जा । कीरंतेसु वि तेहिं विविहोवयारेसु असंजाय-पडीयारा विमुक्का जीवियव्वेण देवी । तओ अंसुजलाविल-लोयणो मुक्तकंठं 'हा
For Private & Personal Use Only
Jain Education International
www.jainelibrary.org
