________________
૨૨
सिरिसोमप्पहसूरि-विरइयं देवि ! कमलदल-दीह-नयणे ! हा चंद-चारु-वयणे ! हा विद्दुममणोहराहरदले ! हा कंकिल्लि-पल्लवारुण-कर-चलणतले ! हा कुंदसुंदर-दसणमाले ! रयणमाले ! कहिं पुणो दहव्वा सि ? तुमए विणा तियणं पि सुन्नं व पडिहाइ' त्ति पलवमाणो "रोविउमाढत्तो खयर-राओ रयणचूड-मणिचूडेहिं समं ।
तहकहवि खयरनाहो अक्वंतो गरुय-सोग-सेलेण । जह सुक्खदुक्ख-निसदिवस-खुहपिवासाउ न मुणेइ ।।११।। परिचत्त-रज्जकज्जो निरुद्ध-नीसेस-कायवावारो । जोगि व्व वट्टमाणो मंतीहिं इमं समुल्लविओ ||१२०।। देव ! न जुत्तं तुम्हाणमेरिसं सोयकरणमविरामं । जेण विसीयइ सव्वं तुम्हाण विचित्तयाए जगं ||१२१।। उप्पत्ति-पलय-कलियं सव्वं खयरिंद ! तिजय-संभूयं ।
जं किं पि चराचरमत्थि वत्थु ता किमिह सोगेणं ? ||१२२|| इच्चाइ-पन्नविओ वि विओग-दुक्खभरक्वंतो कत्तो वि निव्वुइमपावंतो जाव चिहइ तावाऽऽगओ गयणलद्धि-संपल्लो विमलो हिनाणनाय-सव्वभावो भव-दुह-दवग्गि-दाह-पसमणो समणो मणिप्पभो नाम नयरुजाणे, गओ वंदणत्थं तस्स खयरेसरो समं कुमारेहिं । परमपरिओसमुव्वहंतो पणमिऊण मुणिं निसल्नी उचियासणे । भणियं च मुणिणाभो भो ! चिहह किं विसाय-वसगा वामोह-पज्जाउला ?
किं नाविक्खह जीव-लोयमखिलं माइंदजालोवमं ? । जम्हा को वि किमित्थ अस्थि भविही भूओ मुहं मच्चुणो
__पत्तो पावइ पाविही व न हु जो मुत्तूण मुत्तिंगए ? ||१२३।। वाउद्धय-धयग्ग-चंचलमिणं जीयं, कडक्खच्छडा
सारिच्छं पिय-संगम, गिरिनई-कल्लोल-लोलं सिरि । तारुच्नं करि-कन्नताल-तरलं, संझब्भ-रागोवमं
10°लायल्नं मुणिऊण धम्म-विसए मा होह मंदायरा ।।१२४।।
Jain Education International
For Private & Personal Use Only
www.jainelibrary.org
