________________
२०
सिरिसोमप्पहसूरि-विरइयं निरंतरं वणंतरं । तम्मा देस-ओसंठिय-सर-तीरम्मि दिहो राइणा गाढप्पहार-नीहरंत-रुहिरधारा-सित्त-सव्व-गत्तो भू-विलुलियके सपासो मुच्छावस-नह-चेयणो ८ निमीलिय-लोयणो धरणिवठ्ठनिवडिओ एगो तरुण-पुरिसो । तओ गंतूण समीवं सम्मं निरूविओ जाव 'जीवइ' त्ति | तओ करुणारसाइन्न-हियएण 'हा ! कहं महासत्तो को वि एस जुवाण-पूरिसो एरिसं विसम-दसं गओ ?' ति चिंतं ते ण अणप्पमाहप्पं रयणावलिमोहलिऊण सलिलेण सित्तो सव्वंगं जाव उम्मिलिय-लोयणो उवसंत-वेयणो समागय-चेयणो सत्थीहुय-हियओ समुहिऊण महीवहाओ भणिउं पवत्तो-साहु महापुरिस ! साहु, सोहणो ववसाओ७१, अपुन्वो करुणारसो, अच्चब्भूयं चरियं, अकित्तिमा मेत्ती. विसुद्धा परोवयार-बुद्धी, किं च
विहिणा विणिम्मिओ खलु सव्वंग-परोवयार-करणत्थं । तुम्हारिसाण जम्मो जयम्मि चंदण-दुमाणं व ||११४|| जइ न हु निहणिज्ज रवी तिमिर-समूहं स-कज्ज-निरवेक्खो । ता कह वढेज्ज जयं तम-नियर-निरुद्ध-दिहिपहं ? ||११५।। अणवेक्खिय-निय-कज्जा वरिसंति घणा जहा महियलम्मि । तह उवयरंति नूणं परेसिं निक्कारणं सुयणा ||११६||
ता सप्पुरिस ! निक्कारण-बंधुणो तुज्झ पुरओ न याणामि किं पि जंपिउं, सव्वहा तुहायत्तं मे जीवियं ।
तओ राया सलज्जं खणमेक्कमहोमहो ठाऊण भणिउं पयत्तो- भद्द ! जइ न रहस्सं ता कहेहि को तुमं ? केण वा निमित्तेण एयमवत्थंतरमुवगओ४ ? ति । ।
तेण भणियं- 'सप्पुरिस ! कुल-कलंकभूयं उभय-लोय-गरहणिज्जं अणाइक्खणीयमेव मह चरियं, तहावि तुह जीवियदायगत्तणेणालंघणीयवयणस्स पुरओ निवेएमि, किंतु इओ वणनिउंजाओ पुरओ पवर-पासाओ चिट्ठइ, ता तत्थ गच्छम्ह ।'
गया तत्थ । समारुहिऊण पासायं निसन्ना सुहासणेसु । कहिउं पवत्तो जुवाणो । तं जहा
अत्थि गयणग्ग-लग्ग-"सिंग-सिंगार-गारविओ निरंतर-हारत
Jain Education International
For Private & Personal Use Only
www.jainelibrary.org
