________________
४३०
सिरिसोमप्पहसूरि-विरइयं वच्चंति जाव दीवंतरम्मि ते दो वि तत्थ आरुढा । ता जोणगेण दुहाभिसंधिणा मज्झरत्तम्मि ||२१६१।। पवहण-तडे निविहो सरीरचिंता-कए विकरुणेण । खित्तो गुणंधरो धीरमाणसो जलहि-मज्झम्मि ||२१७०।। तो खणमेक्वं ठाउं महंत-कोलाहलो कओ तेण । भाया गुणंधरो मे अहह ! कहं सायरे पडिओ ? ||२९७१|| ता किं करेमि ? कस्स व कहेमि ? कं वा उपालभामि अहं ? । इय किंचि विलविऊणं तुहमणो जोणगो चलिओ ||२९७२||
अह अन्न-दिणे दुज्जण-वयण व्व सज्जण-गुणेहिं सामलीकयं गयणं घणेहिं, कुविय-कयंत-जीहाहिं व विप्फुरियं विज्जूहिं, तुच्छपुरिसो व्व कहवि दाणं दाऊण गलगजिं काउं पयट्टो जलहरो, खलो व्व लद्धप्पसरो समुच्छलिओ कालियावाओ, पीयमइरो व्व जाओ जलही विसंतुल-पयप्पयारो । तओ तड त्ति फुटुं महिला-हिअय-गयगुज्झं पिव पवहणं । जोणगो वि भवियव्वया-निओगेण लद्ध-फलगो सत्त-रत्तेण समुत्तरिऊण जलहिं लग्गो तीर, चिंतिउं पवत्तो य
गरूया वि आवया मह दूमेइ इमा न माणसं किं पि । ज पविखत्तो खिप्पं गुणधरो सायरम्मि मए ||२१७३।। खिवियं गुणधरं जलनिहिम्मि मन्नइ कयत्थमप्पाणं । अह कुणइ दमगवित्तिं रज्जं व पहिह-चित्तो सो ॥२१७४|| जओपयइ खलस्स एसा सहिऊण सयं किलेसजायं पि ।
हणिउं अप्पाणं पि हु परस्स जं कीरए दुक्खं ॥२८७५।। सिहिप्पवेसं घण-घाय-कुट्टणं सराण-संगं दढ-मुहि-पीडणं । खलो किवाणो पर-मारणुज्जओ सहेइ नूणं वसणं न कित्तियं ? ।।२१७६।।
इओ य गुणधरेण सुमरिया जलथंभिणी विज्जा । तप्पभावेण जलोवरि तरंतो दिहो पहाय-समए दोहिं विज्जाहरेहिं उप्पाडिओ, नीओ सुवेल-पव्वयं ।
घण-निद्ध-पत्तलाई जम्मि विरायंति तरु-निउंजाइं । सूर-भएण व तिमिराई मिलिय-दग्गं पवनाई ||२१७७।।
For Private & Personal Use Only
Jain Education International
www.jainelibrary.org
