________________
सिरिसोमप्पहसूरि - विरइयं पंचाणणो । खेमेण चलिया कुमार- परिव्वायगा । पत्ता दोवि वसिमं । भणिओ परिव्वायगेण कुमरी - भद्द ! रंजिओ हं इमिणा तुह सच्चरिएण । जओ
४२४
संसय- तुलाए आरोविऊण निय-जीवियं पि सप्पुरिसा । कुव्वंति तुमं व परस्स पाण-संरक्खणं के वि ||२९२९||
ता महासत्त ! भणामि किं पि तुमं । कुमरेण जंपियं- आइसउ अज्जी जं किंपि करणिज्जं । परिव्वायगेण वृत्तं- अत्थि मे दोन्नि विज्जाओ पढियसिद्धाओ, एक्का विस-निग्धायणी अवरा जल- थंभणी य । ताओ गिण्ह तुमं जेण सुपत्त- निक्खेवेण कयत्थमप्पाणं मन्नेमि । 'अलंघणीय वयणा गुरुणो' त्ति भणतेण दो वि विज्जाओ विहाणपुव्वं गहियाओ कुमरेण । गओ परिव्वायगो अन्नत्थ । कुमरो वि पत्तो जयपुरं नयरं ।
जं कामिणी - मुहं पिव सुदीहरच्छं सुहालय-सणाहं । रयण-समिद्धं जं पुण अनासडंडं तमच्छरियं ॥ २९३०|| पडिवक्ख - नराहिव तरुणि- नयण-नीरप्पवाह- सित्त व्व । सव्वत्थ वित्थरिया भुवण-वणे जस्स कित्तिलया ||२९३१|| सो य जसेण नरिंदो परिपालइ तम्मि जयपुरे रज्जं । देवी जयावली मणसिहंडि - जलयावली तस्स ||२९३२|| ताए धूया तइलोक्क - तिलयभूया अणन्नसमरूया । नाणं ससिलेहा जण - नयणाणंदकर-देहा ||२१३३|| सा माहवी - पमुह सहियणेण सद्धिं मणोरमुज्जाणे । कुसुमुच्चयं कुणंती दहुं चंपाहिवस्स सुयं ||२१३४|| जणगावमाण - वसओ समागयं तत्थ कणयसिह - नामं । मयणसर - ताडियंगी कहकहवि नियत्तिउं सगिहे ॥ २९३५|| सेज्जाए निवडिया नीसहेहिं अंगेहिं सयणलोएण । पुडा सरीर वुत्तं मोणं काउं ठिया तत्तो || २१३६|| अह माहवीए भणिया रहसि असब्भाविणी सहि ! किमेवं । जाया तुमं ममावि हु जं कहसि पुरो न सब्भावं ||२१३७ ||
Jain Education International
-
—
For Private & Personal Use Only
www.jainelibrary.org
