________________
४१४
सिरिसोमप्पहसूरि- विरइयं संसग्गी, परिहरियव्वं परघर-गमणं, न वत्तव्वं परस्स दूसणं, न दूमियव्वो कडुय - वयणेहिं परियणो, न वहियव्वं गरूयावराहे वि भत्तुणो पडिकूल - वित्तीए, न खंडियव्वं पाण-संसए वि सीलं । तत्तो सोऊण इमं पवन्नमाणा अणिच्छमाणी वि सद्धिं कुबेरदत्तेण पत्थिया देविला ।
मग्गे वच्चंतीए माहे गामदुग - विचालम्मि । भणिओ कुबेरदत्तो-नाह ! ममं बाहए तन्हा ||२८२९ ।। जइ कहवि संपयं पिय ! पावेमि न पाणिउं तओ पाणा । वच्चंति मज्झ नूणं कुबेरदत्तेण तो धरिउं ॥ २८३०|| निय - वाहणं सहाया पयंपिया-पाणिउं गवेसेह तो सव्वे वि पयट्टा गवेसिउं रख्न्न - मज्झम्मि ||२८३१|| ते वि हु परिब्भंता जलत्थिणो दूर-देसमणुपत्ता | सयमवि कुबेरदत्तो पिया-समेओ समुत्तरिउं ||२८३२ || सगडाओ परियडंता मग्गतडे वग्गडे वियडमयडं । पेच्छइ तण-संछन्नं तो एवं पिययमं भणइ ||२८३३|| अत्थत्थि अंध - कूवे नीरं नवरं न तीरए घेत्तुं । तो तीए संलत्तं मह मोयग गग्गरिं रित्तं ॥ २८३४ || काऊण उत्तरिज्जेहिं बंधिउं खिवसु कूव - मज्झमि । कड्डे जलं तह वि हु विहुरा तण्हाए जेणाहं ॥ २८३५|| तं सो तहेव काउं जा कूवे खिवइ गग्गरिं गरूयं । तो तीए पक्खित्तो कुबेरदत्तो तहिं कूवे ||२८३६|| पच्छाहुत्तं चलिया संपत्ता पिउहरं रुयंती सा । अम्मा-पिऊहिं पुट्ठा विसाय-भर- निब्भर - मणेहिं ॥ २८३७|| वच्छे ! स्यसि किमेवं ? कुसलं जामाउयस्स गुणनिहिणो ? | वच्चंताणं मग्गे किं को वि उवद्दवो जाओ ? ||२८३८।। तो तीए अलिय-विसाय-वस-विसहंत-बाह सलिलाए । संलत्तमिणं - हा हा ! हयम्हि विहिणा विणासेण || २८३१|| वच्चंताण म्ह हे सुन्नारन्ने गवेसिउं सलिलं । दूरं गएसु वंठेसु तो समुग्गीरिय- किवाणा ||२८४०||
Jain Education International
For Private & Personal Use Only
www.jainelibrary.org
