________________
४११
सुमइनाह-चरियं
जह जह जसवाओ केसवस्स सव्वत्थ वित्थरइ । गरूओ तह तह कविलरस मणम्मि मच्छरो दूरमुच्छलइ ।।२८०३।। गुण-लद्ध-पूयमवलोईउं परं सिखए खलो न गुणो । गुणवंतम्मि पउस्सइ अहह ! अउव्वो खल-सहावो ||२८०४|| अन्नम्मि दिणे कविलो मच्छरवसगो विसिह-जण-पुरओ । जंपतो दोसे केसवस्स जणणीए संलत्तो ||२८०५।। रे वच्छ कविल ! पुरिसेण अत्तणो कुसलमहिलसंतेण । संतमसंतं व परस्स दूसणं नेव वत्तव्वं ।।२८०६।। परदोसग्गहणेणं सगुणो किं होइ निग्गुणो संतो । जइ पुण गुणी सयं चिय ता किं परदोस-गहणेण ।।२८०७।। परदोस-जंपणेणं रिद्धी जा होइ तीए पज्जत्तं । सगुण-विढत्तं सुयणस्स भूसणं वक्कलं पि दढं ||२८०८।। जं गुणनिहिणो निय-बंधवस्स दोसे पयंपसि असंते । तं कुणसि तुमं तणमिव लहुयं लोयम्मि अप्पाणं ||२८०१।। एवं पन्नविओ वि हु नियय-सहावं अमुंचमाणो सो । घय-सित्तो व्व हयासो बाढं रोसेण पज्जलिओ ॥२८१०।। उवएस-सहस्सेण वि पिसुणो सुयणत्तणं न पावेई ।
परिकम्मिओ वि बहुसो काओ किं मरगओ होइ ? ||२८११।। तओ सिणे ह-पेसलं पि के सवं पडुच्च पच्चवायं चिंतंतस्स कविलस्स वच्चंति दियहा । केसवो उण थेवं पि संकिलेसं परिहरंतो कालं गमेइ । एगया गओ उज्जाणे कीलणत्थं विविह-कीलावक्खित्त-चित्तो य रयणीए पहओ छुरियाए के णावि । क ओ परियणेण कोलाहलो । किमयं ति पहाविया विविह-पहरण-विहत्थ-हत्था रायपुरिसा । सो वि पलायमाणो अकज्जकरण-संखुद्ध-हिययत्तणेण खलं त- गइप्पसरो सरोस -मुक्क हक्वारव-रउद्देहिं गहिओ रायपुरिसे हि । समप्पिओ तलवरस्स । कविलो त्ति उवलक्खिओ तेण । निवेइओ रब्नो । तओ चिंतियं रना-अहो ! उभयलोग-विरुद्धमायरणं महाकुलप्पसूयस्स वि इमस्स । के सवो वि नीओ नियघरं । परियणेण पारद्धा वण"तिगिच्छा । समागओ घरं राया । पुट्ठो केसवो सरीर-पउत्ति । महंतं
Jain Education International
For Private & Personal Use Only
www.jainelibrary.org .
