________________
४10
सिरिसोमप्पहसूरि-विरइयं पायरा(?) जीवो जीवाणंदो नाम गणहरो । गओ तस्स वंदणत्थं गुणसेणो । दिहोऽणेण भयवं सुरकय-कमल-निसनो । नमिऊण तं तवाल-वियंभमाण-पमोयभर-निब्भरो भालवह-निविट्ठ-करसंपुडो भणिउं पवत्तो
धन्नो हं मुणिनाह ! लोयण-जुयं जायं कयत्थं इमं, संपत्ता मह पाणि-पंकय-तले कल्लाणमालाऽखिला | संपन्नो मह गोपयंमि व सुहत्तारो भवंभोनिही, जं दिहो सि विसिह-पुन्नवसओ धम्मो व्व मुत्तो मए ||२८०२|| एवं थोऊण गुरुं पणमिऊणं सेस-साहुणो निविहो गुणसेणो । पारद्धा गुरुणा भवपबंध-विद्धंसणी धम्म-देसणा । लद्धावसरेण पहुं गुणसेणेण- भयवं ! जं एस लोओ चंडसेणं पडुच्च वागरइ तं तहेव न व ? त्ति । गुरुणा भणियं- तहेव । गुणसेणेण भणियं- भयवं ! अच्चंतकरुणापरस्स वि ममोवरि कोवमुव्वहइ एसो । किमित्थ कारणं ? | गुरुणा भणियं - पुत्वभवब्भत्था तुह इमम्मि करुणा इमस्स य तुमम्मि कोवोऽनिमित्तं । गुणसेणेण वुत्तं- भयवं ! कहमेयं ? | गुरुणा वुत्तंसोम ! सुण,
इहेव जंबुद्दीवे अवर-विदेहे पुक्खलावइ-विजए मंगलउर-नयरं, तत्थ हरि व्व विसाल-वच्छत्थल-निलीण- लच्छी वि सलालसो हरिविक्कमो राया । तत्थ पसत्थ-सत्थ-पारगो पुरोहिओ सोमदत्तो । तस्स सोमिला-कुच्छि-संभवा कविल-केसवाभिहाणा दुवे पुत्ता । समए समप्पिया उवज्झायस्स । तत्थ कविलो मंद-मइत्तणेण बह-कालेणावि न किं पि सम्मं गेण्हइ । केसवो पुण निउण-बुद्धित्तणेण थेव-कालेणावि सुसिक्खियं करेइ | तओ कविलो पए पए उवहसिज्जइ सेस-छत्तेहिं । दूमिज्जइ हियएणं | एसो ममं उवहसावेइ ति वहइ केसवं पइ पओसं । पउहचित्तो नियत्तो पढणाओ । केसवो पूण अवगय-सव्वत्थ-परमत्थो जाओ | अह कालगए जणए गुणाहिओ त्ति निवेसिओ पुरोहिय-पए रना । जाओ रायप्पमुह-महायण-सम्मओ एसो । गुणि त्ति विउसो त्ति सुद्धबुद्धि त्ति परहिय-रओ त्ति कु सलाणुहाणपरु त्ति के सवो कित्तिमणुपत्तो ।
Jain Education International
For Private & Personal Use Only
www.jainelibrary.org
