________________
४०१
सुमइनाह-चरियं
[४. कोपोपशमयो कपिल-केशव-कथा]
इहेव जंबुद्दीवे भारहे वासे नाणामणि-खंड-मंडिय-पसंडि-पासायसंदब्भा विदब्भा नयरी । तत्थ सूरो वि न कमलोवयारओ, सोमो वि न दोसायरो, वसूहानंदणो वि न वक्को विक्कमसेणो राया । तस्स निरुवमरूव-लायन्नावगन्निय-सुरसुंदरी रइसुंदरी देवी । तीए सरयंद-कुंदसुंदर-गुणो गुणसेणो पुत्तो । लहुओ य तस्स सावक्लओ चंडसेणो भाया ।
सरल-सहावत्तणओ गुणसेणो गुणइ तम्मि जह नेहं । गुणसेणे उण न तहा "चंडसेणो कुडिलचित्तो ||२७१७।। बालत्तणओ वि हु विसय-सोक्ख-विमुहो मणम्मि गुणसेणो ।
जणणि-जणय-उवरोहण गेहवासम्मि संवसइ ।।२७५८।। एगया उग्ग-विस-वियार-जणिय-तिव्व-वेयणो मुच्छानिमीलियच्छो निवडिओ धरणिवहे गुणसेणो | कओ परियणेण महतो कोलाहलो । तं सोऊण 'हा ! किमेयं ?' ति संखुद्धचित्तो समागओ राया । दिहो तहाविहावत्थगओ गुणसेणो । लक्खिय-विस-वियारेण रन्ना वाहरिया मंत-तंत-कु सला पहाण-विज्जा । क ओ ते हिं तन्नियत्तणोवयारो । कहवि जाओ सच्छ-सरीरो गुणसेणो । पहिहहियएण रला वत्थाभरण-दाणेण तोसिऊण विसज्जिया विज्जा । केण कयमकज्जं ? ति पयहा परियणे गवेसणा | जाए ववहारे निच्छियमिणं जहा- चंडसेणकुमार-कारियमेयं ति । गुणसेणो तप्पभिइ वियंभियविसय-विराग-चित्तो चिंतिउं पवत्तो
धी संसार-सरूवं जम्मि महामोह-तरलिया जीवा । विसयामिस-लुद्धमणा कज्जमकज्जं व न मुणंति ||२७११।। मह संपइ पज्जत्तं किंपागफलोवभोग-तुल्लेहिं । मुहमहुरेहिं परिणाम-दुक्खहेऊहिं विसएहिं ।।२८००।। जइ कहवि पुन्नवसओ सुगुरुणं दंसणं मह हविज्जा । तो तेसिं पयमूले पव्वज्जमहं पवजिरसं ||२८०१।।
एवमइक्वंतेसुं कइवइ-दिणेसु समागओ तत्थ दिव्वनाण-मुणियतिकालसरूवो व्व हसिय-वम्महो महंत-पुन्न-पब्भारु पावणिज्ज
Jain Education International
For Private & Personal Use Only
www.jainelibrary.org
