________________
४०८
सिरिसोमप्पहसूरि- विरइयं तत्तो चविऊण इमा विउलमई तुज्झ पिययमा जाया । गुरु-भत्ति - फलेणं विउल - बुद्धि-भोगेहिं संजुत्ता ||२७८४|| जो पुव्व-भवे गोवद्धणो त्ति जणओ इमीए कय- सुकओ । सग्गं गंतूण चुओ तुमं पइ एत्थ सो जाओ || २७८५|| इय सोउं धणमित्तो विउलमई तह य दोवि चिंतंति |
पिच्छणय- सरिच्छं धी । संसारस्स रूवमिणं || २७८६ ।। जम्मि जणओ वि भत्ता सुया वि भज्जा य जायए एवं | को तत्थ रमइ मइमं विडंबणा - भायणम्मि भवे ? || २७८७।।
इय संविग्गमणाई काउं जिण मंदिरेसु महिमाओ । कय- सव्व-संग- चागाई ताइं दिक्खं पवन्नाई || २७८८ ।।
गुरु - आणाए छट्ठट्ठमाई तिव्वं तवं विहेऊण । धमित्त विऊलमई य दोवि पत्ताइं निव्वाणं || २७८७ || गुरु- सेवं कुणमाणो वि जो न कोहग्गि-निग्गहं कुज्जा । दोगच्च-दलण- दच्छं धम्म-धणं दज्झए तस्स || २७१० बहिरम्मि मंतणं पिव रख्ने रुन्नं व तमसि नहं व । उवसम - रहिए जीवे धम्माणुडाणमिह विहलं || २७९१|| कज्जाकज्ज - वियारण- चेयन्नहरस्स विसहरस्सेव । कोवरस कोऽवगासं मइमं मण मंदिरे दिज्जा ? || २७९२ ||
सुटु जलणो जलंतो वि दहइ तं चेव जत्थ संलग्गो । कोह - जलणो उ जलिउं परमप्पाणं परभवं च || २७१३ || दुव्वयण- पूय-कलिओ कलुसज्झवसाय - किमिकुलाइन्नो । कोहो कोहो व्व धुवं धम्म- सरीरं विणासेइ || २७१४ || जिण-पवयण - मेह- समुब्भवेण पसमामएण कोव - दवं । विज्झवइ जो नरो होइ सिव-फलं तस्स धम्म-वणं ॥ २७१५|| कविलो व्व कोव - कलिओ इह-परलोए य लहइ दुक्खाई । उवसम सहिओ पुण केसवो व्व पावेइ कल्लाणं || २७१६||
तहाहि
Jain Education International
-
-
For Private & Personal Use Only
www.jainelibrary.org
